Брэд Питт ва Анжелина Жоли ажрим тафсилотлари билан бўлишмасликка қарор қилишди

Фото: The Guardian

Ҳолливуд киноюлдузлари Брэд Питт ва Анжелина Жоли ажрим жараёни тафсилотлари билан бўлишмаслик ҳақида келишувга эришишди. Бу ҳақида CNN телеканали хабар берди.

"Томонлар ва уларнинг адвокатлари жуфтликнинг фарзандлари ҳамда оиласига тааллуқли шахсий масалаларда дахлсизликка риоя қилиш тўғрисидаги битимни имзолашди. Бу барча суд ҳужжатлари махфийлигини сақлаб қолишда ҳам ўз аксини топади", - дейилади манбада.

Таъкидланишича, келгусида актёрлар "ягона фронт бўлиб ҳаракат қилиш" ниятидалар.

Сентябрь ойи охирида Анжелина Жолининг ажрашиш учун ариза бергани ҳақида хабар берилган эди. Шунингдек у суддан 6 нафар фарзанди у билан қолдиришни сўраган.

#ажрим #Брэд Питт #Анжелина Жоли