Qirg‘iziston prezidenti Sooronbay Jeenbekov «Qirg‘iziston Respublikasi va O‘zbekiston Respublikasi hukumatlari o‘rtasida tuzilgan Soliq qonunchiligiga rioya qilish masalalari bo‘yicha hamkorlik va o‘zaro yordam to‘g‘risidagi bitimni ratifikatsiya qilish haqidagi» qonunni imzoladi. Bu haqda Qirg‘iziston Respublikasi prezidenti matbuot xizmati xabar bergan.

O‘zbekiston va Qirg‘iziston o‘rtasidagi bu hujjat shu yilning 5 sentabrida O‘zbekiston prezidentining Qirg‘izistonga tashrifi vaqtida, Bishkek shahrida tuzilgandi.

Qonun Jo‘qorg‘u Kenesh tomonidan 2017 yilning 7 dekabr kuni qabul qilindi.

Kelishuv aloqalarni mustahkamlash, muvofiqlikdagi faoliyatni ta'minlash, soliq sohasidagi qonun buzilish holatlari to‘g‘risida ogohlantirish, shuningdek, soliq masalalarida o‘zaro yordam ko‘rsatishni nazarda tutadi.

O‘zbekiston prezidenti Shavkat Mirziyoyev Qirg‘iziston bilan hamkorlik haqidagi ushbu kelishuvni noyabr oyida ma'qullagandi.