Америкалик дзюдочи россиялик билан бир шоҳсупага чиқишни истамади

Спорт 12 Август 2017 18192

Америкалик дзюдочи Тайлер Милтон Лос-Анжелесда ўтаётган полициячилар ва ўт ўчирувчилар Бутунжаҳон ўйинларида россиялик дзюдочи Филипп Иванов билан бир шоҳсупага чиқишдан бош тортди. Бу ҳақда Ивановнинг ўзи Instagram’да маълум қилди.

“Шоҳсупада бир киши етишмаяпти. Америкалик учинчи бўлди ва эҳтимол сиёсий қарашлари сабабли тақдирлаш маросимида пайдо бўлишни лозим деб топмади, нима ҳам қилардик. Ҳар ким танлаш ҳуқуқига эга. Асосийси, бизда ҳаммаси яхши”, деб ёзган спортчининг ўзи.

Иванов мусобақаларда 100 кг дан юқори вазн тоифасида 1-ўринни эгаллаган.

Ушбу ўйинлар 7 августдан бошланиб, 17 августгача давом этади. Мусобақаларда 67 та давлат вакиллари иштирок этмоқда. Таъкидлаш жоизки, ўйинлар 1985 йилдан бошлаб ҳар тоқ йилда ўтказиб келинади.