Turkiya prezidenti Rajab Toyyib Erdo‘g‘an Rossiya tomonidan S-400 zenit-raketa majmualarini yetkazib berish bo‘yicha hujjatlar imzolanganini ma'lum qildi, deb xabar bermoqda RIA «Novosti».
«Biz Rossiya bilan kerakli qadamlarni qo‘ydik, imzolar chekildi, biz o‘z davlatimizda S-400larni ko‘ramiz. Hamda ularni birgalikda ishlab chiqarish bilan shug‘ullanamiz», - dedi u.
Erdo‘g‘an ushbu bayonot bilan Turkiyadagi hukmron partiyaning parlamentdagi fraksiyasi yig‘ilishida chiqish qilgan. U imzolar qachon qo‘yilgani va aynan qanday hujjatlar imzolanganiga aniqlik kiritmadi.
Avvalroq Rajab Toyyib Erdo‘g‘an AQSh Turkiya tomondan Rossiyaning S-400 zenit-raketa majmualari sotib olinishi mumkinligidan xavotirlanayotganiga izoh berdi.