Rossiya va AQSh o‘rtasida Suriya bo‘ylab parvozlar xavfsizligi to‘g‘risidagi memorandum amaliyoti to‘xtatildi.

Rossiya TIV ma'lumotiga ko‘ra, bu qaror AQShning Suriyadagi aerodromga raketa zarbalari yo‘llashiga javoban qabul qilingan.

2015 yilning oktabrida imzolangan memorandum Suriya Arab Respublikasi havo hududidagi barcha samolyotlar va uchuvchisiz uchar qurilmalarning harakatlarini qat'iy belgilab berib, parvozlar xavfsizligini ta'minlash maqsadini ko‘zda tutardi. 

Mazkur hujjat Rossiya va AQSh aviatsiyasi o‘rtasida yuz berishi mumkin bo‘lgan to‘qnashuvlarning oldini olishga qaratilgandi.