Fransiya prezidenti Emmanuel Makron Bratislavadagi Globsec xavfsizlik forumida nutq so‘zlab, G‘arbni Ukrainaga “aniq va ishonchli” xavfsizlik kafolatlarini berishga chaqirdi, deb xabar berdi 31 may, chorshanba kuni AFP.

Makron Ukraina “bugungi kunda Yevropani himoya qilishini” ta’kidladi. "Shuning uchun men kelgusi haftalarda bu jamoaviy muzokaralar mavzusiga aylanishini yoqlayman: Ukrainaga moddiy va ishonchli xavfsizlik kafolatlarini taklif qilish kerak", dedi Makron. Unga ko‘ra, Ukrainaga “Isroilga taqdim etilgan xavfsizlik va NATOga to‘laqonli a’zolik o‘rtasidagi nimadir” taklif qilinishi mumkin.

Makron 2019 yilda alyansni tanqid ostiga olganini va “NATOning miyasi o‘limi” haqida ma’lum qilganini esladi. Ukrainadagi harbiy harakatlar, deydi u, ittifoqni uyg‘otdi. “Aytishim mumkinki, bugun ittifoq kuchli elektr toki urishi bilan uyg‘ondi”, — dedi Fransiya prezidenti.

"Bugun biz Ukrainaga samarali qarshi hujumni amalga oshirish uchun har tomonlama yordam berishimiz kerak. Biz hozir shunday qilyapmiz. Sa’y-harakatlarimizni kuchaytirishimiz kerak, chunki keyingi bir necha oy ichida sodir bo‘ladigan voqealar uzoq davom etadigan tinchlik uchun ham imkoniyat beradi. ”, dedi Makron.