Xitoy bozoriga eksporti yo‘lga qo‘yilgan qizil loviya bo‘yicha 80 dan ortiq o‘zbek eksportchilari tegishli ruxsatnomalar olishgan.
Xitoy rahbari Si Jinpingning 2022 yil sentabr oyida O‘zbekistonga davlat tashrifi davomida “O‘zbekistondan Xitoyga o‘zbek loviyasini eksport qilish bo‘yicha nazorat, karantin va fitosanitariya talablari to‘g‘risidagi” idoralararo bayonnoma imzolangan.
O‘zbekiston hukumati tomonidan olib borilayotgan savdo-iqtisodiy islohotlar, mahalliy eksportchilarni har tomonlama qo‘llab-quvvatlash bo‘yicha siyosat O‘zbekistonda yetishtirilgan qishloq xo‘jaligi mahsulotlarini dunyoning istalgan nuqtasida topishga imkoniyat yaratmoqda, deyiladi xabarda.
