AQSh Finlandiyaga 320 million dollarlik raketalar sotadi

Jahon 09:16 / 29.11.2022 5927

AQSh Davlat departamenti Finlandiyaga 323 million dollar (319 million yevro) miqdorida raketalar va turli xil qurollar sotishni ma’qulladi. Bu haqda 28 noyabr, dushanba kuni AQSh Mudofaa va xavfsizlik bo‘yicha hamkorlik agentligi (DSCA) saytida ma’lum qilindi.

Endi bo‘lajak kelishuv Kongress tomonidan tasdiqlanishi kerak. Yetkazib berishlar orasida 40 dona AIM-9X Sidewinder Block II qisqa masofali boshqariladigan raketalar, ular uchun to‘rtta taktik boshqaruv bloki, 48 ta AGM-154 JSOW taktik raketalari, shuningdek, turli o‘quv va qo‘llab-quvvatlash uskunalari, ehtiyot qismlari bor.

Pentagonning ta’kidlashicha, ehtimoliy sotuv «AQShning tashqi siyosati va milliy xavfsizligini qo‘llab-quvvatlaydi», Finlandiyani "havo-havo" va "havo-yer" sinfidagi qurollar bilan kuchaytiradi, shuningdek, AQShning Skandinaviya mamlakatlari bilan munosabatlariga ijobiy ta’sir qiladi. 

«Finlandiyaga kuchli va tayyor, o‘z mudofaa qobiliyatini rivojlantirish =amda qo‘llab-quvvatlashga yordam berish AQSh milliy manfaatlari uchun juda muhim», deyiladi idora bayonotida va ehtimoliy sotuv «mintaqadagi asosiy harbiy muvozanatni o‘zgartirmasligini» ta’kidladi.

Qurol sotuvi haqidagi e’lon Rossiyaning Ukrainaga bostirib kirishi fonida paydo bo‘ldi, bu Finlandiya va Shvetsiyani neytral mavqedan voz kechib, NATOga a’zo bo‘lish uchun ariza berishga undadi, deb yozadi AFP.

Ko‘proq yangiliklar: