23 davlat Ukrainaning Rossiyaga qarshi da’vosiga qo‘shiladi

Jahon 07:58 / 24.09.2022 9560

23 davlat Ukrainaning Rossiyaga qarshi da’vosini ko‘rib chiqishda uchinchi shaxs sifatida ishtirok etish uchun Inson huquqlari bo‘yicha Yevropa sudiga ariza topshirdi. Bu haqda 23 sentabr, juma kuni Strasburg sudi ma’lum qildi. Ukraina hukumati Rossiyani harbiy tajovuz munosabati bilan inson huquqlarini ommaviy va qo‘pol ravishda buzganlikda ayblayapti.

Sud jarayonida ishtirok etishga tayyor 23 hukumat orasida Bolgariya, Gretsiya, Malta, Vengriya va Kiprdan tashqari Yevropa ittifoqi barcha davlatlari bor. Yevropa ittifoqiga a’zo bo‘lmagan davlatlar Norvegiya tomonidan taqdim etiladi. Bundan tashqari, Jyeneva Xalqaro gumanitar huquq va inson huquqlari akademiyasi nohukumat tashkilot sifatida akkreditatsiyadan o‘tishga intilmoqda. Sud ma’lumotlariga ko‘ra, Islandiya va Buyuk Britaniya ariza berishni ko‘rib chiqmoqda. Ishtirokchi davlatlar yoki ariza beruvchi bo‘lmagan va protsessda uchinchi shaxs sifatida ishtirok etishga ruxsat berilgan shaxslar yozma mulohazalar taqdim etishlari mumkin.

Garchi 16 sentabrdan boshlab Rossiya Yevropa kengashidan chiqarilganligi sababli Inson huquqlari bo‘yicha Yevropa konvensiyasining a’zosi bo‘lmasa ham, IHeS Rossiya tomonidan ushbu sanagacha sodir etilgan jinoyatlarni ko‘rib chiqishi mumkin. Ukraina 23 iyun kuni Strasburgda sudga murojaat qildi. Da’vo Ukraina hududidagi harbiy harakatlar jarayonida Rossiya tomonidan sodir etilgan inson huquqlarining ommaviy va jiddiy buzilishiga tegishli. Kiyev hukumati minglab tinch aholini o‘ldirish, jarohat yetkazish, hibsga olish yoki bedarak yo‘qotish, yuz minglab mulkni vayron qilish va millionlab odamlarni uylarini tashlab ketishga majbur qilishda rus qo‘shinlari va Rossiya nazoratidagi boshqa qurolli kuchlarni ayblayapti.

Ko‘proq yangiliklar: