Shayxontohur tumani, Bunyodkor ko‘chasida joylashgan yerosti gaz quvurini harakatdagi gaz quvuriga ulash ishlari olib borilishi munosabati bilan bugun soat 10:00 dan 17:00 ga qadar Chilonzor tumani, Qozirobod mahallasida, Qozirobod ko‘chasida hamda Shayxontohur tumani, Beshyog‘och mavzesida, Oqtepa mikrorayonida tabiiy gaz ta’minoti vaqtinchalik to‘xtatiladi.

Shayxontohur tumani, Zulfiyaxonim ko‘chasidan o‘tgan D-159, 108-mm.li o‘rta bosimli gaz quvurlarini xavfsiz joyga ko‘chirish ishlari rejalashtirilgan. Shu sababli bugun soat 10:00 dan 17:00 gacha Shayxontohur mahallasida, Olmazor tumani, Sebzor mahallasida tabiiy gaz ta’minotini yetkazib berish vaqtinchalik to‘xtatiladi.

«Hududgaz Poytaxt» gaz ta’minoti filiali yuzaga kelayotgan noqulayliklar uchun iste’molchilardan uzr so‘ragan.