Nemis energetika kompaniyasi Siemens Energy Rossiyaning turbinalarga o‘z vaqtida texnik xizmat ko‘rsatilmagani uchun Germaniyaga gaz yetkazib berish to‘xtatilgani haqidagi ayblovlarini rad etdi. «Rossiyada taniqli kompaniyani bunga jalb qilish juda qulay, - dedi Siemens Energy kuzatuv kengashi raisi Jo Kezer 28 iyun kuni Süddeutsche Zeitung gazetasiga bergan intervyusida. - Agar shunday bo‘lsa ham, bu gaz oqimining bunday keskin kamayishini hech qachon oqlay olmaydi».

Iyun oyi o‘rtalarida Rossiyaning «Gazprom» kompaniyasi Germaniyaga «Shimoliy oqim-1» quvuri orqali gaz yetkazib berishni sezilarli darajada qisqartirdi va buni Germaniyaning Siemenskonserni tomonidan boshqariladigan uskunalarni ta’mirlashning kechikishi bilan izohladi. Germaniya kansleri Olaf Shols bu izohni tanqid qilib, bahona deb atadi. 

11 iyul kuni quvurni o‘n kunlik rejali ta’mirlash ishlari boshlanadi. Energiya yetkazib beruvchilar va Germaniya iqtisodiyot vaziri Robert Xabek bundan keyin «Gazprom» «Shimoliy oqim-1» orqali gaz yetkazib berishni tiklamasligi mumkinligidan xavotirda.