"Shafqatsiz hujumga uchragan mamlakatning mudofaasiga yordam berish eskalatsiya emas. Bu hujumni qaytarish va shu bilan zo‘ravonlik tezroq tugashiga hissa qo‘shishdir", - dedi Shols.
Germaniya kanslerining so‘zlariga ko‘ra, u ham boshqalar kabi Ukrainada urush davom etayotganidan tashvishda.
"Barchamizni bir maqsad birlashtiradi – bu urushda Rossiya g‘alaba qozonishiga yo‘l qo‘ymaslik. Ukraina dosh berishi kerak", - deb ta’kidladi u.
Olaf Shols Ukrainani tiklash bo‘yicha Yevropa jamg‘armasini tashkil etish g‘oyasini qo‘llab-quvvatladi.
Uning fikricha, Bryussel hozirdanoq fond tashkil etish bo‘yicha tayyorgarlik ishlarini boshlashi kerak.
Shols Ukrainaning Yevroittifoqqa a’zo bo‘lish mavzusiga to‘xtalar ekan, Kiyevning arizasi bo‘yicha tezkor qaror kutmaslik kerakligini aytdi.