YeI G‘azo, G‘arbiy qirg‘oq va Sharqiy Quddus uchun 25 mln yevro ajratadi 

Jahon 20:14 / 16.05.2022 5222

Yevropa ittifoqi G‘azo sektori, Iordan daryosining G‘arbiy qirg‘og‘i va Sharqiy Quddusdagi falastinliklar uchun 25 mln yevro miqdorida gumanitar yordam ajratadi.

Yevrokomissiya o‘z bayonotida falastinliklarga nisbatan xalqaro gumanitar huquq me’yorlariga og‘ishmasdan rioya qilishga chaqirgan.

Shuningdek, Yevrokomissiya falastinliklarning o‘z uylaridan majburan ko‘chirilishi hamda anklav hududidagi maktab va infratuzilma obektlarining buzilishini qoralagan.

YeK bayonotida aytilishicha, hozirda Falastinning besh million aholisidan 2,1 mln nafari gumanitar yordamga muhtoj.

Bundan tashqari, mintaqa aholisining 63 foiziga u yoki bu shaklda gumanitar yordam berish zarur.

Ko‘proq yangiliklar: