Rossiyada o‘zbekistonlik talabalar orasida eng ommabop mutaxassisliklar ma’lum qilindi

O‘zbekiston 10:16 / 20.01.2022 10105

Oliy ta’lim olish uchun Rossiyaga asosan Qozog‘iston (61 ming talaba), O‘zbekiston (48,7 ming talaba), Xitoy (32,6 ming talaba), Turkmaniston (30,6 ming talaba), Tojikiston (23,1 ming talaba), Hindiston (16,7 ming talaba), Misr (12,4 ming talaba), Belarus (10,2 ming talaba), Ukraina (9,1 ming talaba) va Qirg‘iziston (8,6 ming talaba) kabi davlatlardan talabalar keladi.

Chet ellik talabalar orasida eng ommabop yo‘nalish - bu tibbiyot. Yuqoridagi barcha mamlakatlardan kelgan abituriyentlar tibbiyot fakultetlariga kirishga harakat qiladi. Tibbiyot mutaxassisliklaridan tashqari iqtisod va menejment kabi yo‘nalishlar qozoq va o‘zbek talabalari orasida talabga ega.

Qozon federal universitetining o‘quv faoliyati bo‘yicha prorektori Timurxon Alishevning ta’kidlashicha, 2021/2022 o‘quv yilida Qozon federal universitetida barcha dasturlar va shakllar bo‘yicha dunyoning 101 davlatidan 10,8 ming nafar chet el fuqarolari tahsil olmoqda. Bu o‘tgan yilga nisbatan (10 mingdan ortiq) deyarli 900 kishiga ko‘p.

«Asosan O‘zbekiston, Xitoy, Turkmaniston, Tojikiston, Qozog‘iston, Eron, Turkiya va Misr fuqarolari oliy ta’lim olish uchun QFUni tanlaydi. Xorijlik talabalar orasida iqtisod, umumiy tibbiyot, tilshunoslik, menejment, stomatologiya, dasturiy injiniring, neft-gaz ishi kabi mutaxassisliklar eng ommabop», — dedi Timurxon Alishev. 

G.V. Plexanov nomidagi Rossiya iqtisodiyot universiteti prorektori Aleksey Nikulinning qayd etishicha, universitetda asosiy ta’lim dasturlari bo‘yicha 1561 nafar xorijlik talaba tahsil olmoqda.

N.E. Bauman nomidagi Moskva davlat texnika universitetining xalqaro aloqalar bo‘yicha prorektori Mixail Kuznetsovga ko‘ra, hozirda universitetda 1443 nafar xorijlik talaba tahsil olmoqda, ulardan 495 nafari Xitoydan, 153 nafari Vetnamdan, 129 nafari O‘zbekistondan, 118 nafari Qozog‘istondan, 59 nafari Belarusdandir. Moskva davlat texnika universitetida jami 87 davlat fuqarolari tahsil oladi. 

Ko‘proq yangiliklar: