AQSh Saudiya Arabistoniga hujum qurollari sotilishini cheklashi mumkin – OAV

Jahon 23:25 / 26.02.2021 4035

AQSh prezidenti Jo Bayden ma'muriyati arab koalitsiyasining Yamandagi jangovar operatsiyalarini qo‘llab-quvvatlashni to‘xtatish qarori bois Saudiya Arabistoniga mudofaa qurollaridan boshqa qurollarni sotmasligi mumkin. Bu haqda Reuters agentligi xabar bermoqda.

Agentlik manbalarining ma'lumot berishicha, hozirda qanday qurollar mudofaa quroli hisoblanishi muhokama qilinmoqda.

"Garchi Saudiya Arabistoni o‘z hududi va xalqini himoya qilishi uchun barcha narsa bilan ta'minlashga harakat qilsak-da, Yamandagi nizo nihoyasiga yetishini ko‘zlayapmiz", - degan davlat departamenti vakili.

Bayden 4 fevral kuni Vashington arab koalitsiyasining Yamandagi jangovar operatsiyalarini qo‘llab-quvvatlashni to‘xtatishini aytgandi.

Shu bilan birga, u Saudiya Arabistoni "Eron qo‘llab-quvvatlayotgan kuchlar tomonidan" raketa hujumlariga duch kelayotgani, shu bois AQSh qirollikka "suvereniteti, hududiy yaxlitligi va xalqini himoya qilish"da yordam berishini ta'kidlagandi.

Ko‘proq yangiliklar: