Harbiy hokimiyat namoyishchilarni xavfli yo‘lga qadam tashlashganidan, ularning xatti-harakatlari qurbonlarga olib kelishi mumkinligidan ogohlantirmoqda.
Yakshanba kuni politsiya bilan to‘qnashuvlar vaqtida kamida ikki kishi halok bo‘lgandi.
«Namoyishlarni muvofiqlashtiruvchilar odamlarni ular halok bo‘luvchi jarlikka itarmoqda», degan MRTV telekanali boshlovchisi. Harbiylar nazoratidagi OAV fuqarolarni isyon va anarxiyadan qaytishga chaqirmoqda.
Namoyishchilar harbiy rahbariyatdan hokimiyatdan ketishni va Myanma rahbari Aung San Suu Ki va «Demokratiya uchun milliy liga» partiyasi rahbariyatini zudlik bilan ozod etishga chaqirgan.
Su Ki import va eksport to‘g‘risidagi qonunni buzishda, shuningdek, favqulodda vaziyatlar to‘g‘risidagi qonunni buzganlikda ayblanmoqda.
Mamlakatning yangi rahbariyatiga xalqaro hamjamiyat bosim o‘tkazmoqda.
The "Two Five" general strike against the military rule on 22.2.2021 are growing hour by hour in the downtown Yangon marked by ancient Sule Pagoda. #2Fivegeneralstrike #WhatIsHappeningInMyanmar pic.twitter.com/ClwDvxk36q
— Myanmar Now (@Myanmar_Now_Eng) February 22, 2021
Mamlakatning barcha yirik shaharlarida namoyishlar bo‘lib o‘tmoqda. Ijtimoiy tarmoqlarda tarqalgan tasvirlardan ko‘rish mumkinki, aksiyalarda juda ko‘p sonli kishilar ishtirok etishmoqda, ular bayroqlarni silkitib, harbiylarga qarshi shiorlarni baralla aytishmoqda.
Thousands gathering at Sule downtown, which had been blocked off by police on Friday and Saturday pic.twitter.com/OtJayeklxR
— Andrew Nachemson (@ANachemson) February 22, 2021
Frontier nashri muharriri Tompson Chauning so‘zlariga ko‘ra, namoyishlar ko‘lami kundan kunga kengayib bormoqda - katta yo‘llar to‘sib qo‘yilmoqda, do‘konlar yopib qo‘yilgan.
«Bugungisi, aftidan, gigant zabastovka, odamlar shunchaki ishga bormay qo‘yishdi», degan Chau BBC uchun bergan intervyusida. Uning so‘zlariga ko‘ra, hatto davlat sektori xizmatchilari ham namoyishga chiqmoqda: soliqchilar, jurnalistlar, tibbiyot xodimlari va kommunalchilar.
Namoyishlarning yangi to‘lqinini 1988 yil avgustidagi isyonga taqqoslashmoqda - o‘shanda bu mamlakat tarixidagi eng qonli namoyishlar bo‘lgandi.
O‘shanda harbiylar uch mingga yaqin namoyishchini o‘ldirishgandi. Ko‘plar bu voqealarni Mnyama tarixida burilish yasagan deb hisoblaydi.