Rossiya “Gremlin” shartli nomi ostida zamonaviy hipertovushli raketa ishlab chiqarish ustida ish olib bormoqda. Bu haqda Izvestiya xabar qildi.
Ta'kidlanishicha, tajriba-konstruktorlik ishlari 2018 yilda boshlangan. Mutaxassislar 2023 yilda raketa sinovini o‘tkazishni rejalashtirgan.
Raketaning texnik xususiyatlari oshkor qilinmayapti, ammo u X-47M2 Kinjal raketasiga nisbatan kichikroq o‘lchamda bo‘ladi.
“Gremlin” bir yarim ming kilometrgacha masofaga parvoz qilishga mo‘ljallangan. Uning tezligi 6 Maxni (1 Max – 1198,8 km/soat, daqiqasiga 19,98 km, soniyasiga 333 metr) tashkil etishi taxmin qilinmoqda.
Gazetaning yozishicha, 2013 yilda Rossiya harbiy-havo kuchlarining sobiq bosh qo‘mondoni general-polkovnik Aleksandr Zelin ana shu xususiyatga ega qurol ishlab chiqilishi to‘g‘risida ma'lum qilgan.