Ilon Mask birinchi Tesla Model 3 suratlarini namoyish qildi

Fan-texnika 20:30 / 09.07.2017 15871

Avval xabar berilganidek, yakunlanayotgan haftada Tesla kompaniyasining eng arzon elektromobili — Model 3 sedanini ishlab chiqish boshlandi. Ishlab chiqaruvchi kompaniya rahbari Ilon Mask Twitter sahifasida seriyali elektrokarning ilk suratlarini namoyish qildi. 

Shu bilan Ilon Mask birinchi Tesla Model 3 zavoddan qachon chiqishiga aniqlik kiritdi. Elektrokar suratlariga kelsak, aslida, Tesla Model 3 fotosuratlari kam miqdorda bo‘lsin, bir necha oy avval paydo bo‘lgandi. Mask tomonidan e'lon qilingan suratlardan ko‘rish mumkinki, birinchi «haqiqiy» Model 3 tashqi ko‘rinishidan avvalgi suratlardan farqlanmaydi. 

Bundan tashqari, Ilon Mask kamtarlik qilib o‘tirmay, konveyerdan chiquvchi birinchi avtomashinani o‘zi olishga qaror qildi. 

Shu oyi oxiriga kelib ilk 30ta elektrokar o‘z egalarini topadi. «Arzon» Tesla uchun navbat kutayotganlar soni esa 400 ming kishini tashkil etadi. 2016 yil bahorida Model 3 uchun buyurtmalar qabul qilinishi boshlangan birinchi kundayoq elektrokarni xarid qilish istagini bildirganlar soni 134 ming kishini tashkil etgan edi. 

Shu yil oxiriga borib, Model 3 yig‘iladigan zavodda oyiga 20 ming dona avtomobil yig‘ishga erishiladi. 

Elektrokar 35 ming dollar baholangan bo‘lib, Model S elektromobilidan 2,5 marta arzon turadi. 

Ko‘proq yangiliklar: