Sug‘urtada yangi davr: javobgarlik himoyasi ikki baravar oshirildi

Ushbu qaror bilan Prezidentning 2024 yil 1 martdagi PQ–108-sonli qarori ijrosini ta’minlash mexanizmlari belgilab berildi. Eng muhimi — 2026 yil 1 yanvardan boshlab majburiy sug‘urta summasi amaldagi 40 million so‘mdan 80 million so‘mgacha oshiriladi.

Mamlakatdagi iqtisodiy o‘sish sur’atlari va real xarajatlar fondida bu o‘zgarish sug‘urta to‘lovlari real hayot talablariga moslashganini anglatadi. Avvalgi tartibda hatto maksimal sug‘urta to‘lovi 14 million so‘mdan oshib bormagan hollarda, jabrlanuvchilar ko‘p bo‘lsa, summa taqsimlanib ketar edi. Yangi qaror esa nafaqat sog‘liq va mol-mulk zararlarini qoplash imkoniyatini kengaytiradi, balki haqiqiy himoya kafolatini yaratadi.

Aniq raqamlar nima deydi?

Yangi tartibga ko‘ra, majburiy sug‘urta uchun fuqarolar to‘laydigan mukofot summasi Toshkent shahrida 192 ming so‘mni, boshqa hududlarda esa 160 ming so‘mni tashkil etadi. Bu – o‘rtacha mashina yuvish narxiga yaqin miqdor. Shu bois, sug‘urta xizmati uchun ushbu to‘lov hozirda ham iqtisodiy jihatdan maqbul hisoblanadi.

Yana qanday o‘zgarishlar bor?

• Sug‘urta tariflari va mukofotlari aktuar hisob-kitoblar asosida aniqlanadi — bu kelajakdagi sug‘urta to‘lovlarini aniq baholash imkonini beradi.
• Haydovchilar soniga qarab cheklangan va cheklanmagan polis turlari joriy etiladi.
• Sug‘urta kompaniyalari o‘z mijozlari manfaatlarini himoya qilish uchun mas’ullikni yanada teran his qiladi.
• YTH holatlarida yuridik maslahat berish va hujjatlashtirishni osonlashtiradigan adjasterlik xizmatlarini sug‘urta kafolatlash jamg‘armasi o‘z zimmasiga oladi.
• Sug‘urta shartnomalarini avtomatlashtirish maqsadida Yagona sug‘urta billing tizimi 2026 yil 1 apreldan joriy etiladi.

Bu qarorlar nafaqat sug‘urta bozorida raqobatni kuchaytirishi, balki fuqarolar huquqini qonunan ta’minlangan himoyaga aylantiradi. Endi fuqaro nafaqat to‘lov qiluvchi, balki haqiqiy manfaatdor, himoyalangan ishtirokchiga aylanadi.

Reklama huquqi asosida