Soliq nizolarini hal qilish vaqti qisqaradi

Savdo-sanoat palatasi huzurida soliq, iqtisodiy, moliyaviy va huquqiy jihatdan tartibga solish sohasidagi mutaxassislardan iborat Soliq nizolari bo‘yicha ekspert kengashi tashkil etiladi. Uni tashkil etishdan maqsad - tadbirkorlik sub’yektlari va soliq organlari o‘rtasidagi nizolarni hal etish bilan bog‘liq vaqt va xarajatlarni qisqartirish.

Ekspertlar kengashi har oyda kamida ikki marta yig‘ilish o‘tkazadi, bu esa yuzaga keladigan masalalarga tezkor javob berish imkonini beradi.

Soliq nizolarini ko‘rib chiqishda Ekspert kengashi quyidagilarga haqli:

• soliq organlarining qarorlaridan norozi bo‘lgan tadbirkorlarning murojaatlarini ko‘rib chiqish, jinoyat ishi doirasida yoki sud tartibida ko‘rib chiqiladigan murojaatlar bundan mustasno;
• ko‘rib chiqish natijalari bo‘yicha xulosalar qabul qilish;
• qabul qilingan xulosani tadbirkorlarni xabardor qilgan holda soliq, bojxona va boshqa davlat organlariga majburiy tartibda yuborish.