Qoʻshimcha funksionallar
-
Tungi ko‘rinish
Toshkentda kapotida baliqlar bilan kontent olgan haydovchi jarimaga tortildi
Toshkentda fuqaro mashinasining old kapotiga himoya plyonkasini yopishtirgan holda uning ichiga suv to‘ldirib, baliqlarni solib qo‘ygani videosi tarqaldi. U 1 mln 125 ming so‘m miqdorida jarimaga tortildi.

Foto: Ekologiya, atrof-muhitni muhofaza qilish va iqlim o‘zgarishi vazirligi
Toshkentda mashinasining old kapotiga himoya plyonkasini yopishtirgan holda, uning ichiga suv to‘ldirib, baliqlarni solgan va buni videoga olib, ijtimoiy tarmoqlarga tarqatgan fuqaro jarimaga tortildi. Bu haqda Ekologiya, atrof-muhitni muhofaza qilish va iqlim o‘zgarishi vazirligi xabar berdi.
Video ijtimoiy tarmoq foydalanuvchilari orasida katta e’tiroz keltirib chiqardi. Holat Ekologiya vazirligi hamda Ichki ishlar vazirligi bilan hamkorlikda o‘rganilib, ushbu huquqbuzarlik Toshkent shahrida yashovchi fuqaro I.N. tomonidan sodir etilgani aniqlandi.
Huquqbuzarga nisbatan Ma’muriy javobgarlik to‘g‘risidagi kodeksning 111-moddasi 1-qismi (Hayvonlarga nisbatan shafqatsiz munosabatda bo‘lish) bilan ma’muriy bayonnoma rasmiylashtirildi va bazaviy hisoblash miqdorining 3 baravari – 1 million 125 ming so‘m miqdorida jarima belgilandi.
Ekologiya vazirligi tabiatdagi har qanday tirik jonzotlarga nisbatan nojo‘ya, o‘rinsiz, shafqatsiz munosabatda bo‘lish taqiqlangan va qonunchilikka muvofiq qat’iy javobgarlik belgilanganini eslatib o‘tdi.
Avvalroq Toshkent shahrida fuqaro uyida bir bosh Nil timsohini saqlab kelgani aniqlangan, jonivor hayvonot bog‘iga topshirilib, holat bo‘yicha hujjatlar sudga yuborilgan edi.
Tavsiya etamiz
Navoiyni kimlar zaharlayapti? – ekologiya vaziri izoh berdi
O‘zbekiston | 11:23 / 25.07.2025
Ishdagi ishqning yakuni: selektorda “qo‘lga tushgan” amaldor ishdan olindi
O‘zbekiston | 10:42 / 25.07.2025
Fransiya Falastin davlatini tan oladi - Makron
Jahon | 09:46 / 25.07.2025
Nihoyat: kelayotgan haftada salqin havo oqimi kirib kelishi kutilmoqda
O‘zbekiston | 20:03 / 24.07.2025
So‘nggi yangiliklar
-
Istanbuldan uchgan Uzbekistan Airways samolyoti favqulodda vaziyat tufayli aeroportga qaytdi
O‘zbekiston | 19:28
-
Qirg‘iz-o‘zbek xalqaro universitetidan 3 mingdan ortiq talaba chetlatildi
Jahon | 19:19
-
O‘zbekiston Butunjahon yozgi Universiadani 13-o‘rinda yakunladi
Sport | 19:16
-
Bosqichma-bosqich eski quvurlardan zamonaviy issiqlik tizimiga o‘tilmoqda - Veolia Energy Tashkent
O‘zbekiston | 19:00
Mavzuga oid

16:13
Toshkent aeroporti qarshisidagi ko‘prik rekonstruksiyasining qiymati ma’lum bo‘ldi

13:15
Toshkentda hujjatlari to‘liq bo‘lmagan 59 ta uy-joy qurilishi to‘xtatildi

23:59 / 25.07.2025
Svet o‘chmagan kun yo‘q: Toshkent elektrsiz qiynalmoqda

18:40 / 25.07.2025