O‘ta yirik miqdordagi firibgarlikda ayblanayotgan fuqaro Toshkent aeroportida ushlandi

Qayd qilinishicha, Toshkent Xalqaro aeroport hududida Milliy markaziy byuro xodimlari tomonidan Birlashgan Arab Amirliklaridan deportatsiya qilingan O‘zbekiston fuqarosi ushlandi. U O‘zbekiston huquqni muhofaza qilish organlari tashabbusi bilan o‘ta yirik miqdordagi firibgarlikda ayblanib, xalqaro qidiruvda bo‘lgan. Ushbu holat yuzasidan jinoyat ishi qo‘zg‘atilgan, ayblanuvchi chet elga qochib, tergovdan yashiringan va xalqaro qidiruvga e’lon qilingan.

Interpol kanallari orqali BAA huquqni muhofaza qilish organlari bilan muvofiqlashtirilgan hamkorlik harakatlari natijasida, qidiruvdagi shaxs Birlashgan Arab Amirliklari hududida ushlandi va keyingi tergov tadbirlarini o‘tkazish uchun O‘zbekiston Respublikasiga chiqarib yuborildi.