O‘zbekiston va Afg‘oniston imtiyozli savdo to‘g‘risida bitim tuzdi
Prezident Shavkat Mirziyoyev Toshkent investforumiga kelgan Afg‘oniston sanoat va savdo vaziri Nuriddin Aziziyni qabul qildi. Forum doirasida ikki mamlakat savdo-sanoat vazirlari imtiyozli savdo to‘g‘risidagi bitimni imzoladi.

Foto: Prezident matbuot xizmati
O‘zbekiston prezidenti Shavkat Mirziyoyev 11 iyun kuni Toshkent xalqaro investitsiya forumi doirasida Afg‘oniston sanoat va savdo vaziri vazifasini bajaruvchi Nuriddin Aziziyni qabul qildi.
“Suhbat avvalida vazir O‘zbekiston yetakchisiga Afg‘oniston rahbariyatining samimiy salomini yetkazdi”, – deya xabar bermoqda prezident matbuot xizmati.
Ma’lum qilinishicha, uchrashuvda savdo-iqtisodiyot, transport-logistika, energetika va agrar sohalarda, shuningdek, geologiya-qidiruv va foydali qazilmalar borasidagi hamkorlikni kengaytirish masalalari ko‘rib chiqilgan.
“Ishbilarmonlik aloqalari faollashgani mamnuniyat bilan qayd etildi. O‘zaro tovar ayirboshlash hajmi, qo‘shma korxonalar soni ortmoqda, ikki mamlakat kompaniyalari ishtirokida biznes tashriflari va ko‘rgazmalar muntazam o‘tkazilmoqda. Termiz shahrida Xalqaro savdo markazi muvaffaqiyatli faoliyat yuritmoqda. Joriy yilning may oyida Kobul va Mozori Sharif shaharlarida savdo uylari ochildi.
O‘zbekiston rahbari iqtisodiy va investitsiyaviy hamkorlikning shartnomaviy-huquqiy asoslarini yanada mustahkamlash muhimligini ta’kidladi.
Shuningdek, "Hayraton" sanoat markazini tez fursatda barpo etish, u yerda farmatsevtika, mebelsozlik, to‘qimachilik mahsulotlari, qurilish materiallarini ishlab chiqarish, qishloq xo‘jaligi mahsulotlarini qayta ishlash quvvatlarini joylashtirish zarurligi ta’kidlandi.
Transafg‘on temir yo‘li va "Surxon – Puli-Xumri" elektr uzatish liniyasini qurish kabi yirik mintaqaviy infratuzilma loyihalari qo‘llab-quvvatlandi”, – deyiladi rasmiy relizda.

Toshkent investforumi doirasida O‘zbekiston investitsiyalar, sanoat va savdo vaziri Laziz Qudratov hamda Afg‘oniston sanoat va savdo vaziri Nuriddin Aziziy muzokaralari ham bo‘lib o‘tdi.
Unda Imtiyozli savdo to‘g‘risidagi bitim hamda 2025-2026-yillarga mo‘ljallangan savdo-iqtisodiy va sanoat sohalarida hamkorlik dasturi imzolangan.
Tavsiya etamiz
Tramp bilan urushib qolgan Mask yangi partiya tuzmoqda
Jahon | 15:19 / 06.07.2025
Olti muloqot, natija nol. Ukraina yolg‘iz qoladimi?
Jahon | 13:10 / 06.07.2025
AQShda xatolik tufayli 400 yilga qamalgan erkakka 1,7 mln dollar kompensatsiya to‘landi
Jahon | 23:34 / 04.07.2025
«Ba’zilar uchun genotsid daromadli» - BMT eksperti butun dunyoni Isroil bilan savdoni to‘xtatishga chaqirdi
Jahon | 18:56 / 04.07.2025
So‘nggi yangiliklar
-
Zelenskiy Rossiyaga yangi zarbalar berilishi haqida ma’lum qildi
Jahon | 07:21
-
O‘zbekiston va Turkmaniston qo‘shma ta’lim dasturlarini tashkil etadi
Jahon | 07:18
-
Isroil G‘azodagi tibbiy markazga havo hujumi uyushtirdi
Jahon | 07:09
-
Stradivarining Ikkinchi jahon urushi vaqtida o‘g‘irlangan skripkasi Tokiodan topildi
Jahon | 01:59
Mavzuga oid

15:47 / 07.07.2025
Yarim yillik yakunlari: O‘zbekiston iqtisodiyoti barqaror o‘sishda davom etmoqda

15:04 / 07.07.2025
Rossiya Markaziy Osiyo energetika tizimlarining parallel ishiga qo‘shilish niyatida

18:31 / 05.07.2025
«Afg‘onistonda tinchlik va normal davlatchilik bo‘lishiga eng ko‘p intilayotgan davlat – O‘zbekiston» - Kamoliddin Rabbimov

14:24 / 04.07.2025