Qurbon hayiti munosabati bilan qo‘shimcha poyezd qatnovlari yo‘lga qo‘yiladi

5-8 iyun kunlari Toshkent-Samarqand yo‘nalishida qo‘shimcha «Afrosiyob» qatnovlari harakatlanadi.

Foto: Transport vazirligi

Qurbon hayiti bayrami munosabati bilan Toshkent va Samarqand o‘rtasida qo‘shimcha «Afrosiyob» reyslari yo‘lga qo‘yildi. Bu haqda Transport vazirligi xabar berdi.

Qatnovlar bayram kunlari — 5, 6, 7 va 8 iyunda amalga oshiriladi.

Harakat jadvali quyidagicha:

Samarqand—Toshkent — jo‘nash 10:55 da, yetib kelish 13:15 da;
Toshkent—Samarqand — jo‘nash 13:56 da, yetib kelish 16:14 da.

Chiptalarni eticket.railways.uz sayti, Uzrailways Ticket mobil ilovasi hamda temiryo‘l kassalaridan xarid qilish mumkin.

Avvalroq Toshkent shahar transport va yo‘l-transport infratuzilmasini rivojlantirish bosh boshqarmasi Qurbon hayiti kuni poytaxtda jamoat transporti soat 03:00 dan ish boshlashini ma’lum qilgandi.

#Samarqand #Afrosiyob #poyezdlar #Qurbon hayiti