Parij Makronning xotinidan tarsaki yegani aks etgan kadrlarga izoh berdi

Fransiya prezidenti Emmanuel Makronning Vetnamga tashrifi chog‘ida rafiqasi tomonidan itarib yuborilgani hazil bo‘lib, oilaviy janjal natijasi emas, deya ma’lum qildi 26 may, dushanba kuni Fransiya rahbari. Avvalroq Yelisey saroyi vakili voqeani «prezident va uning rafiqasining safar boshlanishidan oldingi hazili» deb ta’riflagandi.

Bir kun avval Fransiya prezidentining samolyoti Vetnamga qo‘ndi. Keyinroq AP axborot agentligi fransuz birinchi xonimining qo‘llari Makronning yuzini itarib tashlagani aks etgan kadrlarni e’lon qildi. O‘zining suratga olinayotganini anglagan davlat rahbari jilmayib, qo‘lini silkitgan. Er-xotin birga samolyot zinapoyasidan pastga tushishgan, biroq Brijit Makron erining qo‘lini olishdan bosh tortgan.

Voqea haqida Rossiya TIV rasmiy vakili Mariya Zaxarova izoh berdi. «Dunyo prezident samolyoti Xanoyga yetib kelganida Makron rafiqasidan tarsaki yegani aks etgan kadrlarni ko‘rdi. Lekin eng qizig‘i bu emas, balki Yelisey saroyining bu safar yana bir emmanuel-geyt uchun nimani o‘ylab topishidadir», deb yozdi u Telegram-kanalida.