Gurjistonda muxolifat yetakchilaridan biri Japaridze hibsga olindi

«O‘zgarishlar uchun koalitsiya» yetakchilaridan biri Zurab Japaridze Tbilisi shahar sudida parlament tergov komissiyasiga kelmagani uchun hibsga olindi.

Foto: Zurab Tsersvadze/AP Photo/picture alliance

Tbilisi shahar sudi muxolifatdagi «O‘zgarishlar uchun koalitsiya» yetakchilaridan biri Zurab Japaridzeni hibsga olishga qaror qildi. Siyosatchi 22 may, payshanba kuni kechqurun sud zalida hibsga olindi, deb xabar bermoqda Gurjiston matbuoti.

Japaridzega Gurjiston parlamentining vaqtinchalik tergov komissiyasi yig‘ilishiga ko‘rsatma berish uchun kelmagani bo‘yicha ayblov e’lon qilindi. Avvaliga muxolifat yetakchisiga 20 ming lari (taxminan 6400 yevro) miqdorida garov ehtiyot chorasi qo‘llandi, biroq 22 may kuni sudya ushbu ehtiyot chorasini qamoqqa olish bilan almashtirgan.

Newsgeorgia nashri yozganidek, sud majlisi politsiya va Japaridzeni qo‘llab-quvvatlovchi guruh o‘rtasidagi to‘qnashuvlar fonida – bino tashqarisida ham, ichida ham kuzatildi, chunki sud zaliga xohlovchilarning hammasi ham kiritilmagan.

Japaridzeni hibsga olish to‘g‘risidagi qaror siyosatchining advokatlari yo‘qligida qabul qilingan, ular norozilik sifatida sud jarayonini tark etgan va sud davlat advokatini tayinlamaslikka qaror qilgan.

#Gurjiston #Zurab Japaridze