Ukrainaga halok bo‘lgan 909 harbiyning jasadi qaytarildi

Rossiyadagi o‘likxonalarda saqlangan jasadlar, shuningdek, yaqinda Baxmut, Pokrovsk, Xarkiv va boshqa yo‘nalishlardagi jangovar hududlarda halok bo‘lganlarning jasadlari qaytarildi. Rossiya 34 nafar halok bo‘lgan askarning jasadini qabul qildi.

Foto: Thibault Camus/AP/picture alliance

16 may, juma kuni Rossiya va Ukraina Xalqaro Qizil Xoch qo‘mitasi (XQXQ) vositachiligida halok bo‘lgan harbiy xizmatchilarning jasadlarini navbatdagi almashtirishni amalga oshirdi.

909 nafar jasad Ukrainaga qaytarildi. Ukraina harbiy asirlar bo‘yicha muvofiqlashtirish shtabiga ko‘ra, bular Rossiya hududidagi o‘likxonalardan olingan jasadlar, shuningdek, yaqinda Kuraxovka, Pokrovsk, Baxmut, Ugledar, Luxansk, Zaporijjya, Sumi va Xarkiv yo‘nalishlaridagi jangovar hududlarda halok bo‘lganlarning jasadlaridir. "Huquq-tartibot idoralari tergovchilari IIV ekspertiza muassasalari bilan birgalikda marhumlarning shaxsini qisqa vaqt ichida aniqlaydi", deyiladi xabarda.

Rossiya 34 askarning jasadini qabul qildi, dedi Davlat dumasi deputati Shamsail Saraliyev RBK agentligiga.

To‘liq miqyosli urush boshlanganidan beri Rossiya va Ukraina XQXQ vositachiligida muntazam ravishda halok bo‘lganlarning jasadlarini almashib keladi. Avvalgi bunday almashuv 28 mart kuni bo‘lib o‘tgan, o‘shanda 43 kishining jasadi Rossiyaga, 909 kishining jasadi Ukrainaga topshirilgan edi.

#Ukraina #harbiylar #Rossiya