Qoʻshimcha funksionallar
-
Tungi ko‘rinish
Portugaliyada cherkovning qulagan devorlari orasidan 12 ta skelet topildi
Suyaklar XVI-XIX asrlarga tegishli. Arxeologlar cherkov hududidan yana boshqa skeletlar ham topilishi mumkinligini taxmin qilmoqda.

Foto: AP
Portugaliyaning Portiman shahrida joylashgan XV asrga tegishli cherkov devorlari qulab tushganidan keyin kamida 12 kishining jasadi qoldiqlari topildi. Tadqiqotchilarning ta’kidlashicha, devorlar orasida boshqa skeletlar ham bo‘lishi mumkin, deb yozadi Popular Mechanics portali.
Qayd etilishicha, ushbu voqea Igreja Matriz de Portimao cherkovida sodir bo‘lgan. Uning devorlari noqulay ob-havo sharoiti tufayli qulab tushgan. Zararni baholash uchun mutaxassislar voqea joyiga yetib kelgach, vayronalar ostidan odamlarga tegishli suyaklar topilgan. Topilmani o‘rganish uchun arxeologlar guruhi chaqirilgan.
Dastlabki ma’lumotlarga ko‘ra, ushbu suyaklar XVI-XIX asrlarga tegishli. Suyaklar yoshi va ularning joylashuv o‘rni, ya’ni cherkovning ichki devorlaridan topilgani hisobga olinadigan bo‘lsa, ular mazkur hududda joylashgan qabristonning bir qismi hisoblanadi. Ta’kidlanishicha, o‘tmishda cherkovlar hududidan tez-tez dafn etish joyi sifatida foydalanib kelishgan.
Arxeolog Rita Diasning aytishicha, qabrlar biri-birini yopib turgan: bitta qabrdan bir necha yuz yil davomida qayta-qayta foydalanilgan. Shuningdek, uning ta’kidlashicha, cherkovlarda dafn etish odati 1869 yillarda sanitariya sabablariga ko‘ra to‘xtatilgan. 1863 yilda esa shaharda yangi qabriston paydo bo‘lgan.
Arxeologlar hozirda topilgan skeletlarning jinsi, yoshi va o‘limi ehtimolini o‘rganmoqda. Portiman hukumati cherkov devorlaridan yana skeletlar topilishi mumkinligini tasdiqlagan.
Tavsiya etamiz
Navoiyni kimlar zaharlayapti? – ekologiya vaziri izoh berdi
O‘zbekiston | 11:23 / 25.07.2025
Ishdagi ishqning yakuni: selektorda “qo‘lga tushgan” amaldor ishdan olindi
O‘zbekiston | 10:42 / 25.07.2025
Fransiya Falastin davlatini tan oladi - Makron
Jahon | 09:46 / 25.07.2025
Nihoyat: kelayotgan haftada salqin havo oqimi kirib kelishi kutilmoqda
O‘zbekiston | 20:03 / 24.07.2025
So‘nggi yangiliklar
-
Qirg‘iz-o‘zbek xalqaro universitetidan 3 mingdan ortiq talaba chetlatildi
Jahon | 19:19
-
O‘zbekiston Butunjahon yozgi Universiadani 13-o‘rinda yakunladi
Sport | 19:16
-
Bosqichma-bosqich eski quvurlardan zamonaviy issiqlik tizimiga o‘tilmoqda - Veolia Energy Tashkent
O‘zbekiston | 19:00
-
Tramp yangi dedlayn belgiladi – endi Putin o‘t ochishni 10-12 kun ichida to‘xtatishi kerak
Jahon | 18:33
Mavzuga oid

09:16 / 26.06.2025
Portugaliya fuqarolik olish qoidalarini qat’iylashtiryapti

00:22 / 18.06.2025
Ispaniya va Portugaliyada aprel oyida yuz bergan blekaut sabablari aniqlandi

11:11 / 09.06.2025
Yamalning davri hali kelmadi. Ronaldu finalda hal qiluvchi golni urdi, muxlislar yana uning nomini qo‘shiq qilib kuyladi

16:09 / 28.05.2025