Qoʻshimcha funksionallar
-
Tungi ko‘rinish
O‘zbekiston, Qozog‘iston va Qirg‘iziston Sirdaryo uchun suv taqsimoti rejimlarini tasdiqladi
Har bir vegetatsiya davri oldidan bunday rejimlarni muhokama qilish va kelishish mamlakatlarga hozirgi gidrologik holati va suv-energetika resurslariga bo‘lgan ehtiyojini hisobga olish imkonini beradi.

O‘zbekiston, Qozog‘iston va Qirg‘iziston Toshkentda bo‘lib o‘tgan yig‘ilishda vegetatsiya davri uchun suv-energetika rejimi bo‘yicha kelishib oldi. Bu haqda Qozog‘iston Energetika vazirligiga tayanib Kazinform xabar berdi.
Toshkentda O‘zbekiston, Qozog‘iston va Qirg‘iziston energetika va suv resurslari bo‘yicha mas’ul vazirlarning rejalashtirilgan uch tomonlama uchrashuvi bo‘lib o‘tdi. Natijada energetika obektlarining kelishilgan ish rejimlari va Sirdaryo havzasidagi suvni kelgusi vegetatsiya davrida taqsimlash tartibini belgilovchi bayonnoma imzolandi.
Ta’kidlanishicha, bayonnomaning imzolanishi suv resurslaridan muvozanatli foydalanish va Markaziy Osiyo energetika tizimlarining barqaror ishlashini ta’minlashga qaratilgan uch davlatning doimiy hamkorligi doirasidagi muhim qadamdir. Har bir vegetatsiya davri oldidan bunday rejimlarni muhokama qilish va kelishish mamlakatlarga hozirgi gidrologik holati va suv-energetika resurslariga bo‘lgan ehtiyojini hisobga olish imkonini beradi.
Shuningdek, uchrashuvda tomonlar bir qator uzoq muddatli strategik loyihalar bo‘yicha maslahatlashuvlarning borishini muhokama qildi. Xususan, Qozog‘iston, O‘zbekiston va Qirg‘iziston o‘rtasida Qambar-Ota GES-1 qurilishi bo‘yicha muzokaralar rejalashtirilganidek davom etayotgani, Ozarboyjon, Qozog‘iston va O‘zbekiston ishtirokida amalga oshiriladigan Kaspiy energetika koridorini yaratish loyihasi ustida ish olib borilayotgani ta’kidlandi.
Tavsiya etamiz
Navoiyni kimlar zaharlayapti? – ekologiya vaziri izoh berdi
O‘zbekiston | 11:23 / 25.07.2025
Ishdagi ishqning yakuni: selektorda “qo‘lga tushgan” amaldor ishdan olindi
O‘zbekiston | 10:42 / 25.07.2025
Fransiya Falastin davlatini tan oladi - Makron
Jahon | 09:46 / 25.07.2025
Nihoyat: kelayotgan haftada salqin havo oqimi kirib kelishi kutilmoqda
O‘zbekiston | 20:03 / 24.07.2025
So‘nggi yangiliklar
-
Tramp Yevroittifoq bilan savdo bitimi tuzilganini e’lon qildi
Jahon | 00:48
-
Dunyoda elektromobillar savdosi oshmoqda
Avto | 00:26
-
Germaniya janubi-g‘arbida yo‘lovchi poyezdi izidan chiqib ketdi
Jahon | 00:00
-
Tojikistonda 10ta yangi tarixiy-madaniy meros yodgorliklari topildi
Jahon | 23:31 / 27.07.2025
Mavzuga oid

09:05 / 25.07.2025
O‘zbekiston fuqarolari turizm maqsadida eng ko‘p Qirg‘izistonga borgan

15:17 / 24.07.2025
O‘zbekiston va Qozog‘iston sayg‘oqlarni saqlab qolish bo‘yicha memorandum imzolaydi

15:35 / 23.07.2025
Qozog‘iston ko‘chmas mulk bozori. Narxlar qanday?

15:24 / 22.07.2025