Qoʻshimcha funksionallar
-
Tungi ko‘rinish
“Tezlik juda yuqori bo‘lgan” – Navoiydagi dahshatli YTHga izoh berildi
Navoiy viloyatida ikki nafar yoshlar yetakchisi halok bo‘lgan YTHda mashina katta tezlikda boshqarilgani ma’lum bo‘ldi. Haydovchi o‘zi bilan bir yo‘nalishda ketayotgan yuk mashinasini quvib o‘tishda boshqaruvni yo‘qotgan hamda mashina ag‘darilib ketgan.

Foto: Videodan kadr
Navoiyda sodir bo‘lgan YTH bo‘yicha izoh berildi. YHXX axborot xizmati boshlig‘i Zoyir Yo‘ldoshovning Kun.uz’ga ma’lum qilishicha, avtohalokatga yuqori tezlik sabab bo‘lgan.
“Haydovchi harakat qoidalarini buzib, yuqori tezlikda harakatlangan. Oqibatda o‘zidan oldinda bo‘lgan avtomashinani quvib o‘tayotganda yo‘l chetiga chiqib ketib, ag‘darilgan.
Mantiqan qaraganda ham yo‘l harakati qoidalari buzilishi oqibatida avtohalokat sodir bo‘ladi. Agar odamlar qoidaga amal qilsa, tirik qolgan, boshqalarning ham hayotiga rahna solmagan bo‘lardi. Shuning uchun YHXX qoidabuzarlikka qarshi kurashadi, tezlikni cheklovchi radarlar o‘rnatadi. Huquqbuzarlarga ma’muriy jarimalar qo‘llaydi.
Agar jamoatchilikda qoidabuzarlik qilishdan tiyilish, kerak bo‘lsa, qoidabuzarlardan nafratlanish tushunchasi shakllanmas ekan, baxtsizliklarni kamaytirib bo‘lmaydi”, deydi Zoyir Yo‘ldoshov.
Mazkur YTHda oqibatida Karmana tumani Farhod mahallasi yoshlar yetakchisi Ulug‘bek Oblaqulov va ushbu tumanning Mirsaid Bahrom mahallasi yoshlar yetakchisi Muhriddin Bahronov voqea joyida vafot etgan.
Shuningdek, YTHga uchraganlar orasida Karmana tumani Yoshlar ishlari bo‘limi shu’ba mutaxassisi Valijon Qosimov ham bo‘lgan. Hozirda u shifokorlar nazorati ostida qolmoqda.
Avvalroq Yoshlar ishlari agentligi direktori Alisher Sa’dullayev ushbu YTHda halok bo‘lgan yoshlar yetakchilarining ota-onasi va yaqinlariga moddiy hamda ma’naviy ko‘mak ko‘rsatilishini bildirgandi.
Tavsiya etamiz
Soch to‘kilishi, ko‘z osti qorayishi, lab yorilishi: tana tili bizni nimalardan ogohlantiradi?
Jamiyat | 17:08
Roman Starovoyt – urushning kursidagi qurboni
Jahon | 22:00 / 08.07.2025
Qozog‘istonda kuydirgi tarqaldi, ikki qishloq karantinga olindi
Jahon | 17:57 / 08.07.2025
11 iyuldan IELTS imtihonini qog‘ozda topshirish bekor qilinadi
O‘zbekiston | 15:45 / 08.07.2025
So‘nggi yangiliklar
-
Buloqboshida yana toshqin xavfi: aholi Janubiy Farg‘ona kanalida suv sathi ko‘tarilganidan xavotirda
Jamiyat | 22:27
-
Fransiya va Britaniya yadroviy tiyib turish to‘g‘risidagi bitimni imzoladi
Jahon | 22:19
-
Xitoyda Shinjon-Uyg‘ur avtonomiyasi amaldori o‘limga hukm qilindi
Jahon | 22:15
-
“Medgorodok”dagi kabi voqea takrorlanmasligiga kafolat bormi?
Jamiyat | 21:53
Mavzuga oid

15:36 / 09.07.2025
Avariyalarni kamaytirish uchun yo‘l infratuzilmasini yaxshilashga jiddiy e’tibor qaratiladi

15:24 / 09.07.2025
«Kuniga o‘rtacha 6 kishi vafot etayotgani barchani qattiq tashvishga solishi kerak» – prezident O‘zbekiston yo‘llaridagi holat haqida

19:36 / 08.07.2025
Toshkentda Tico yo‘lni kesib o‘tayotgan 3 yoshli bolani urib yubordi

13:31 / 08.07.2025