Qoʻshimcha funksionallar
-
Tungi ko‘rinish
Janubiy Koreya Harbiy-havo kuchlari deyarli barcha parvozlarni to‘xtatdi
KA-1 shturmovigi o‘quv mashg‘uloti paytida tasodifan ikkita pulemyot konteyneri va ikkita bo‘sh yonilg‘i bakini tashlab yubordi. Shu bois mamlakatdagi deyarli barcha harbiy havo kemalari parvozi 22 aprelga qadar to‘xtatildi.

Foto: AP
Janubiy Koreya Harbiy-havo kuchlari KA-1 yengil shturmovigi ikkita pulemyot konteyneri hamda bo‘sh yonilg‘i baklarini tasodifan tashlab yuborganidan keyin o‘zining deyarli barcha havo kemalari parvozini to‘xtatib qo‘ydi, deb xabar beradi Yonhap.
Harbiy-havo kuchlari (HHK) vakillarining so‘zlariga ko‘ra, mazkur voqeadan keyin 22 aprelga qadar parvozlarni cheklashga qaror qilingan. Bunda faqat razvedka operatsiyalarini amalga oshiradigan yoki yuqori jangovar shay holat rejimida bo‘lgan samolyotlar parvoz qilishi mumkin.
Qayd etilishicha, ushbu qadam AQSh bilan hamkorlikda o‘tkazilayotgan Freedom Flag o‘q mashg‘ulotlariga ta’sir ko‘rsatadi. HHK shtabi ma’lumotlariga ko‘ra, 2 mayga qadar davom etadigan manyovrlarga qariyb 1,1 ming harbiy xizmatchi va 90 ta samolyot, jumladan, Janubiy Koreyaning F-35A, F-15K va KF-16, Amerikaning F-16 va F35B qiruvchilari, shuningdek, MQ-1 va MQ-9 dronlari jalb etilgan.
Harbiy-havo kuchlari shtab boshlig‘i general Li Yon Su 21 aprel kuni qo‘mondonlar bilan kelajakda bu kabi holatlarning oldini olishi bo‘yicha yig‘ilish o‘tkazadi.
Yonhap’ning yozishicha, KA-1 shturmovigi ikkita pulemyot konteyneri va ikkita bo‘sh yonilg‘i bakini 18 aprel kuni Pxyonchxanda o‘tkazilgan o‘quv mashg‘ulotlari davomida yo‘qotib qo‘ygan. Hodisa oqibatida hech kimga zarar yetmagan.
Konteynerlarni qidirishga HH-60 vertolyoti va 270 ga yaqin harbiy xizmatchi yo‘naltirilgan. Ular konteynerlarni Kanvondo provinsiyasidagi Yonvol uyezdidan topishga muvaffaq bo‘lgan. Ular bilan birga pulemyot va 12,7 millimetr kalibrli 500 ta naryad ham tushib ketgandi.
HHK fuqarolardan yuz bergan voqea uchun uzr so‘radi.
Mart oyida ikkita KF-16 qiruvchi samolyoti tasodifan Pxochxon shahri atrofida sakkizta MK-82 bombalarini tashlab yuborgandi. Uchuvchining xatosi sabab sodir bo‘lgan hodisa oqibatida 52 kishi jarohat olgan edi.
Tavsiya etamiz
Jinoyat olamida bunaqasi kam uchraydi: yashirin ustaxona va g‘oyib bo‘lgan 276 ta mashina
Jamiyat | 13:40 / 16.07.2025
20 iyuldan boshlab 1-2 kunga xorijga chiqqanlar O‘zbekistonga bojsiz tovar olib kirolmaydi
Iqtisodiyot | 19:31 / 15.07.2025
Bolalarni itdek vovullatgan «defektolog»ga yangi jinoiy ish ochildi
Jamiyat | 18:06 / 15.07.2025
Etihad Airways O‘zbekistonga parvozlarni yo‘lga qo‘yadi
O‘zbekiston | 15:18 / 15.07.2025
So‘nggi yangiliklar
-
Toshkentda Kichik halqa avtoyo‘lining bir qismi 4 kunga yopiladi
Jamiyat | 23:57 / 17.07.2025
-
Zelenskiy Tramp bilan «mega kelishuv»ni muhokama qilayotganini aytdi
Jahon | 23:47 / 17.07.2025
-
Toshkentda daraxtlarni kesishga cheklov bekor qilinishi kerak - tadbirkor Murod Nazarov
O‘zbekiston | 22:53 / 17.07.2025
-
Eron prezidenti avtomobili o‘chib qolganidan keyin taksi chaqirishga majbur bo‘ldi
Jahon | 22:51 / 17.07.2025
Mavzuga oid

19:12 / 14.07.2025
Janubiy koreyalik baliqchilar 1,9 mln dollarlik tunetslarni dengizga qo‘yib yubordi

14:58 / 14.07.2025
"O‘tkan kunlar" romani koreys tiliga tarjima qilindi

18:28 / 10.07.2025
Janubiy Koreya sobiq prezidenti Yun Sok Yol hibsga olindi

09:56 / 10.07.2025