Ukraina va AQSh foydali qazilmalar bo‘yicha shartnoma tuzish niyatida memorandum imzoladi
Bitim muhim sarmoya kiritish, infratuzilmani modernizatsiya qilish va Ukraina va AQSh o‘rtasida o‘zaro manfaatli hamkorlik uchun imkoniyatlar ochishi ta’kidlanmoqda.

Foto: Facebook / Yuliya Sviridenko
Ukraina va Qo‘shma Shtatlar iqtisodiy hamkorlik shartnomasini tuzish niyatida memorandum imzoladi. Bu haqda Ukraina iqtisodiyot vaziri Yuliya Sviridenko ma’lum qildi.
«Biz Ukrainani qayta tiklash uchun investitsiya jamg‘armasini yaratishga tayyorgarlik ko‘rmoqdamiz. Bitim muhim sarmoya kiritish, infratuzilmani modernizatsiya qilish va Ukraina va AQSh o‘rtasida o‘zaro manfaatli hamkorlik uchun imkoniyatlar ochadi — aynan shu maqsadda jamoalar hujjat ustida ishlamoqda», dedi u.
Sviridenko so‘zlariga ko‘ra, shartnomaning yakuniy matnini kelishish va imzolash qolgan, shundan so‘ng hujjat ratifikatsiya qilish uchun har ikki davlat parlamentlariga yuboriladi.
Prezident Donald Tramp ma’muriyati Ukrainadan urush paytida ko‘rsatilgan yordamni qoplashni talab qilmoqda. Vashington talab qilayotgan kelishuv Qo‘shma Shtatlar Ukrainaning bo‘lajak sarmoyaviy loyihalaridan, jumladan, foydali qazilmalaridan tushadigan foydaning bir qismini olishini ko‘zda tutadi.
Aprel oyi boshida Reuters manbasi AQSh Xalqaro taraqqiyot moliya korporatsiyasidan Ukraina orqali o‘tuvchi «Gazprom» quvuri ustidan nazoratni qo‘lga kiritishni talab qilayotgani haqida xabar bergan edi. Muzokaralar davomida AQSh mablag‘larni qaytarish bo‘yicha o‘z talablarini 300 milliard dollardan 100 milliard dollarga tushirgan.
Mavzuga oid

23:18 / 10.05.2025
AQShda ona va o‘g‘il bir vaqtda universitetni tamomladi

22:28 / 10.05.2025
Ukraina muzokaraga tayyorligini aytdi, Rossiya o‘ylab ko‘rishini ma’lum qildi

20:58 / 10.05.2025
Kellog 30 kunlik otashkesimdan keyin Ukraina mojarosiga barham berilishini aytdi

17:43 / 10.05.2025