Qoʻshimcha funksionallar
-
Tungi ko‘rinish
Tailand Myanmada qullikdan ozod etilgan 7 ming kishini vataniga yubordi
Ularning aksariyati - 5,4 ming nafardan ortig‘i Xitoy fuqarolaridir. Umumiy hisobda ozod etilgan shaxslar 30 dan ortiq davlatlarning fuqarolari hisoblanadi.

Foto: AP
Tailand 2025 yil fevralda Myanma bilan chegara hududida joylashgan firibgarlik call-markazlaridan ozod etilgan 7224 nafar chet el fuqarosini vataniga qaytardi. Ushbu operatsiya Myanma xavfsizlik kuchlari ko‘magida Tailand va Xitoy huquq-tartibot organlari hamkorligida amalga oshirildi.
Tailand TIV axborot departamenti bosh direktori Nikondet Pxalangkunning ma’lum qilishicha, ozod etilganlarning umumiy soni 9951 kishini tashkil etgan bo‘lib, ularning 7224 nafari allaqachon vataniga qaytgan. 1,7 mingdan ortiq odam ayni vaqtda Myanmada qolmoqda va tez orada o‘z vataniga yuborilish uchun Tailandga jo‘natiladi.
Pxalangkunning so‘zlariga ko‘ra, vataniga qaytarilgan fuqarolarning aksariyat qismini Xitoy fuqarolari (5414 nafar) tashkil etadi. Undan keyingi o‘rinlarni Indoneziya (653 kishi) va Hindiston (581 kishi) egallagan. Umumiy hisobda ozod etilgan shaxslar 30 dan ortiq davlatlarning fuqarolaridir.
Tailand fevral oyida firibgarlik bilan shug‘ullanuvchi call-markazlar joylashgan Myanmaning beshta tumaniga elektr energiyasi yetkazib berishni to‘xtatgan edi. Qirollik hukumatining ma’lum qilishicha, telefon va internet firibgarligi muammosi mamlakatga jiddiy zarar yetkazgan — 2022-2024 yillar davomida 500 mingdan ortiq tailandlik jinoyatchilar qurboniga aylangan. Yetkazilgan zarar esa 60 milliard batga (1,8 milliard dollar) baholanadi. Ma’lumotlarga ko‘ra, Myanmada firibgarlarning 17 ming qurboni bo‘lgan bo‘lishi mumkin.
Myanmada internet firibgarligi bilan shug‘ullanadigan call-markazlarda odatda aldov yo‘li yoki tahdidlar orqali ishlashga majburlangan chet el fuqarolari faoliyat yuritadi.
Tavsiya etamiz
Navoiyni kimlar zaharlayapti? – ekologiya vaziri izoh berdi
O‘zbekiston | 11:23 / 25.07.2025
Ishdagi ishqning yakuni: selektorda “qo‘lga tushgan” amaldor ishdan olindi
O‘zbekiston | 10:42 / 25.07.2025
Fransiya Falastin davlatini tan oladi - Makron
Jahon | 09:46 / 25.07.2025
Nihoyat: kelayotgan haftada salqin havo oqimi kirib kelishi kutilmoqda
O‘zbekiston | 20:03 / 24.07.2025
So‘nggi yangiliklar
-
Ijro nazoratining kuchaytirilishi, Samarqanddagi «qo‘ziqorin uy», suvga cho‘kish fojialari – mahalliy dayjest
O‘zbekiston | 23:47
-
Xitoy tug‘ilishni rag‘batlantirish maqsadida har bir bola uchun pul to‘laydi
Jahon | 23:46
-
Sankt-Peterburgda xorijliklarga 2025 yil oxirigacha taksi haydovchisi bo‘lib ishlash taqiqlandi
Jahon | 23:26
-
Bastakor Sultonali Rahmatov vafot etdi
Jamiyat | 22:59
Mavzuga oid

16:57
Tailand va Kambodja o‘t ochishni to‘xtatishga kelishib oldi

12:03
Tailand va Kambodja to‘rt kunlik urushdan so‘ng muzokaralarni boshlashga kelishib oldi

10:57
Qibrayda fuqaroning 37 bosh qora molini qo‘lga kiritgan shaxslar aniqlandi

17:28 / 27.07.2025