Namanganda 4-sinf o‘quvchisi Cobalt urib yuborishi oqibatida vafot etdi

Uchqo‘rg‘on tumanining 23-maktab 10-sinf o‘quvchisi 31 mart kuni otasiga tegishli bo‘lgan Cobalt’ni uydan haydab chiqqan.

Foto: IIB YHXB

Viloyat IIB YHXB xabariga ko‘ra, u mashinani haydab ketayotgan vaqtda yo‘lni kesib o‘tayotgan 4-sinf o‘quvchisini urib yuborgan. Hodisa oqibatida bola shifoxonada vafot etgan.

O‘quvchining o‘zi uyda hech kim yo‘qligidan foydalanib, mashinani “qizdiraman” deb ko‘chaga haydab chiqqanini aytgan.

Holat yuzasidan Jinoyat kodeksining 266 moddasi 2-qismi (transport vositalari harakati yoki ulardan foydalanish xavfsizligi qoidalarini buzish odam o‘lishiga sabab bo‘lsa) bilan jinoyat ishi qo‘zg‘atildi. Tergov harakatlari olib borilmoqda.

#Namangan #o‘quvchi