Qoʻshimcha funksionallar
-
Tungi ko‘rinish
Bloomberg Xitoyning AQSh bilan muzokaralar o‘tkazish shartlaridan xabar topdi
Pekin Vashington bilan muzokaralarga rozi bo‘lishdan oldin Tramp ma’muriyatining aniq harakatlarini ko‘rishni istamoqda.

Foto: AP
Xitoy savdo bojlari borasida Vashington bilan muzokaralarga rozi bo‘lishdan oldin AQSh prezidenti Donald Tramp ma’muriyatining aniq harakatlarini ko‘rishni istaydi. Bu haqda o‘z manbalariga tayanib, Bloomberg xabar berdi.
Agentlikning yozishicha, Xitoy hukumati o‘ziga nisbatan hurmat ko‘rsatilishini kutmoqda. Manbalardan birining so‘zlariga ko‘ra, Pekinga hurmat ko‘rsatish va unga nisbatan haqoratlarga chek qo‘yish muzokaralarning muhim shartlari hisoblanadi.
Xitoy rasmiylari, shuningdek, Qo‘shma Shtatlar bitimni tayyorlashga yordam beradigan muzokaralar muvofiqlashtiruvchisini tayinlashini xohlamoqda.
Bloombergʼning yozishicha, Xitoy AQShdan savdo bojlari va milliy xavfsizlik bilan bog‘liq masalalarda yanada izchil pozitsiyani talab qilmoqchi. Gap Tayvan bilan munosabatlar haqida bormoqda — Pekin ushbu orolni o‘z hududi deb hisoblaydi.
12 aprel kuni AQSh Xitoy tovarlariga nisbatan bojlarni 84 foizdan 125 foizga qadar ko‘tardi. Mavjud 20 foizli tariflar bilan qo‘shib hisoblaganda bojlarning umumiy qiymati 145 foizga yetdi. Bunga javoban Xitoy Amerika tovarlariga 125 foizgacha boj joriy etdi. 16 aprel kuni esa Vashington Pekinga nisbatan ayni paytda 145 foiz darajasida belgilangan bojlarni 245 foizgacha oshirishini ma’lum qildi.
Avvalroq AQSh prezidenti Donald Tramp ma’muriyati o‘zining 70 dan ortiq savdo hamkorlarini Xitoy iqtisodiyotini izolyatsiya qilishga ko‘ndirmoqchi ekani to‘g‘risida xabar berilgandi. Buning evaziga AQSh import bojlarini kamaytirishga va’da bermoqda.
Tavsiya etamiz
Jinoyat olamida bunaqasi kam uchraydi: yashirin ustaxona va g‘oyib bo‘lgan 276 ta mashina
Jamiyat | 13:40 / 16.07.2025
20 iyuldan boshlab 1-2 kunga xorijga chiqqanlar O‘zbekistonga bojsiz tovar olib kirolmaydi
Iqtisodiyot | 19:31 / 15.07.2025
Bolalarni itdek vovullatgan «defektolog»ga yangi jinoiy ish ochildi
Jamiyat | 18:06 / 15.07.2025
Etihad Airways O‘zbekistonga parvozlarni yo‘lga qo‘yadi
O‘zbekiston | 15:18 / 15.07.2025
So‘nggi yangiliklar
-
Stratosferdan sakragan Feliks Baumgartner paraplan qulashi oqibatida halok bo‘ldi
Jahon | 12:16
-
Baxtiyor Saidov Kobulda Afg‘oniston bosh vaziri vazifasini bajaruvchi bilan uchrashdi
O‘zbekiston | 12:15
-
Anvar O‘rmonov Toshkent shahri prokurori v.b bo‘lgan
O‘zbekiston | 12:03
-
Yunusobodda Cobalt, BYD va Mercedes-Benz to‘qnashdi
O‘zbekiston | 11:58
Mavzuga oid

11:46
Kongress yordam va OAV uchun 9 mlrd dollarni qisqartirishni ma’qulladi

10:08
Bloomberg: London Ukraina uchun AQShdan qurol sotib olishga tayyor

08:24
AQSh va Yevropa Eron yadroviy kelishuvi uchun dedlayn belgilaydi

23:47 / 17.07.2025