Qirg‘izistonda sodir bo‘lgan zilzila kuchi Andijonda sezildi

14 aprel kuni soat 22:11 da Qirg‘iziston hududida 3,8 magnitudali yer qimirlashi sodir bo‘ldi. Zilzila episentri O‘sh viloyatida, 10 km chuqurlikda joylashgan.

O‘zbekiston FVV qo‘shni mamlakatdagi zilzila episentrida sezilish kuchi 4 ball bo‘lganini xabar qildi. Zilzila episentri Toshkentdan 312 kilometr janubiy-sharqda.

Zilzila Andijon viloyatining quyidagi qator tumanlari hududida sezilgan:

• Xo‘jaobod tumanida 3 ball,
• Qo‘rg‘ontepa tumanida 3 ball,
• Jalaquduq tumanida 3 ball,
• Buloqboshi tumanida 2-3 ball,
• Xonobod tumanida 2-3 ball,
• Marhamat tumanida 2 ball,
• Andijon tumanida 2 ball,
• Andijon shahrida 2 ball,
• Asaka tumanida 2 ball,
• Paxtaobod tumanida 2 ball.

Eslatib o‘tamiz, 13 aprel kuni Tojikistonda yuz bergan zilzila kuchi O‘zbekistonning 7 ta viloyatida sezilgan edi.