BMT 13 mingga yaqin ukrainalik tinch aholi halok bo‘lganini tasdiqladi

2022 yilning fevralida Rossiyaning keng ko‘lamli bostirib kirishi boshlanganidan 2025 yilning oxirigacha Ukrainada kamida 12 910 tinch aholi halok bo‘ldi. BMT tomonidan tasdiqlangan urush qurbonlari orasida 682 nafar bola bor, dedi BMTning Favqulodda vaziyatlar boshqarmasi rahbari Tom Fletcher 8 aprel, seshanba kuni Nyu-Yorkda BMT Xavfsizlik kengashida.

Rossiya Federatsiyasi va Ukraina o‘rtasidagi uch yildan ortiq davom etayotgan keng ko‘lamli urushda deyarli 30,7 ming kishi jarohat oldi, deya ta’kidladi u BMTning Inson huquqlari bo‘yicha boshqarmasi ma’lumotlariga tayanib. Fletcherning ta’kidlashicha, halok bo‘lganlar va yaralanganlarning haqiqiy soni bundan ham ko‘proq bo‘lishi mumkin.

BMT vakili, shuningdek, Ukraina va dunyodagi boshqa harbiy mojarolarda xalqaro huquq buzilayotganini eslatdi. "Bu ziddiyatlarni bir-biriga bog‘laydigan qizil ip", dedi u.

Ukraina fuqarolarining so‘nggi ommaviy halok bo‘lishi 4 aprel kuni Ukraina prezidenti Volodimir Zelenskiyning tug‘ilib o‘sgan shahri Kriviy Rigga raketa uchirilishi tufayli yuz berdi. Oqibatda 20 kishi, jumladan, to‘qqiz nafar bola halok bo‘ldi, 70 dan ortiq tinch aholi jarohatlandi. Birlashgan Millatlar Tashkiloti Rossiya armiyasining Kriviy Rigga hujumini Ukrainadagi butun urushda bolalarning eng dahshatli ommaviy o‘ldirilishi deb atadi.