Qoʻshimcha funksionallar
-
Tungi ko‘rinish
Seul: Shimoliy Koreya Rossiyaga yana 3000 askar yubordi
Pxenyan Ukrainaga qarshi urushga qo‘shin yubormoqda, shuningdek, Rossiyani raketalar, artilleriya va o‘q-dorilar bilan ta’minlamoqda, deya ma’lum qildi Seul. Shimoliy Koreyaning 11 ming askaridan 4000 nafari allaqachon halok bo‘lgan yoki yaralangan, deb hisoblaydi Janubiy Koreya.
Foto: Reuters
Shimoliy Koreya yil boshidan beri Moskva tomonidan urushda qatnashayotganlarni kuchaytirish uchun Rossiyaga yana 3000 askar yubordi. Bu haqda Janubiy Koreya Birlashgan shtab boshliqlari qo‘mitasi 27 mart, payshanba kuni ma’lum qildi.
Rossiyaga dastlab yuborilgan Shimoliy Koreyaning 11 ming askaridan 4 ming nafari halok bo‘lgan yoki yaralangan, deb hisoblaydi Seul. Bundan tashqari, Pxenyan Moskvani raketalar, artilleriya va o‘q-dorilar bilan ta’minlashda davom etmoqda. Hozirda Shimoliy Koreya Rossiyaga «katta miqdordagi qisqa masofali ballistik raketalar», shuningdek, granata otish moslamalari va bir nechta raketa tizimlarini yetkazib bergani aniqlandi, deya qo‘shimcha qildi Janubiy Koreya. Frontdagi vaziyatga qarab, bu raqam oshishi mumkin, deya ogohlantirdi Seul.
2024 yil oktyabr oyidan buyon KXDR, Janubiy Koreya, Ukraina va AQSh ma’lumotlariga ko‘ra, Rossiya Federatsiyasining Ukraina bilan chegaradosh Kursk oblastiga 10 mingga yaqin harbiy xizmatchini joylashtirgan. Yanvar oyi oxirida Amerikaning The New York Times gazetasi va Britaniyaning Sky News telekanali Shimoliy Koreya qo‘shinlari yirik yo‘qotishlar tufayli front chizig‘idan olib chiqilgani haqida xabar bergan edi.
Mavzuga oid
20:47 / 27.03.2025
Panama Rossiya va Eron «maxfiy floti»ga aloqador 128 ta kemadan ruxsatnomani qaytarib oladi
20:42 / 27.03.2025
Yevropa davlatlari Rossiyaga qarshi sanksiyalarni yumshatishdan bosh tortdi
09:00 / 27.03.2025
Rossiyada SSSRni ma’qullovchilar soni zamonaviy tarixda eng past darajaga tushdi
08:50 / 27.03.2025