7–8 mart kunlari yomg‘ir va shamol kutilmoqda

6 mart kuni shimol va cho‘l zonasida, 7–8 mart kunlari O‘zbekistonning qolgan hududlarida shamol tezligi 17–22 metr/soniyagacha kuchayishi kutilmoqda, deb xabar beradi «O‘zgidromet». Navoiy va Jizzax viloyatlarining ayrim tumanlarida shamol tezligi 25–30 metr/soniyagacha kuchayishi mumkin.

7 mart va 8 martga o‘tar kechasi butun mamlakat bo‘ylab yomg‘ir yog‘adi. Tog‘oldi va tog‘li hududlarda yog‘ingarchilik (yomg‘ir, qor) bo‘ladi, ayrim joylarda kuchli bo‘ladi.

Harorat kunduzi +7…+10 darajagacha pasayadi.

Bundan oldinroq 6–11 mart kunlari kutilayotgan yog‘ingarchilik hamda havo haroratining o‘zgarishlari sababli Qashqadaryo, Surxondaryo, Samarqand, Jizzax, Toshkent va Namangan viloyati hududlarida qor ko‘chish xavfi haqida e’lon qilingandi.

6 mart kuni uchun ob-havo ma’lumoti:

Toshkent shahrida havo biroz bulutli bo‘ladi, yog‘ingarchilik kutilmaydi. Shamol sharqdan 3–8 metr/soniya tezlikda esadi. Harorat kechasi +1...+3 daraja, kunduzi +15...+17 daraja bo‘ladi.

Qoraqalpog‘iston Respublikasi va Xorazm viloyatida havo biroz bulutli bo‘ladi, yog‘ingarchilik kutilmaydi. Shamol sharqdan 7–12 metr/soniya tezlikda esadi, ba’zi joylarda 17–22 metr/soniyagacha kuchayishi mumkin. Harorat kechasi –2...+3 daraja, kunduzi +5...+10 daraja; Ustyurtda kechasi –8...–13 daraja, kunduzi 0...+5 daraja bo‘ladi.

Buxoro va Navoiy viloyatlarida havo biroz bulutli bo‘ladi, yog‘ingarchilik kutilmaydi. Shamol sharqdan 7–12 metr/soniya tezlikda esadi, ba’zi joylarda 17–22 metr/soniyagacha kuchayishi mumkin. Harorat kechasi 0...+5 daraja, kunduzi +15...+20 daraja; Navoiy viloyati shimolida +5...+10 daraja bo‘ladi.

Toshkent, Sirdaryo, Samarqand va Jizzax viloyatlarida havo biroz bulutli bo‘ladi, yog‘ingarchilik kutilmaydi. Shamol sharqdan 7–12 metr/soniya tezlikda esadi, ba’zi joylarda 15–20 metr/soniyagacha kuchayishi mumkin. Harorat kechasi 0...+5 daraja, kunduzi +12...+17 daraja bo‘ladi.

Qashqadaryo va Surxondaryo viloyatlarida havo biroz bulutli bo‘ladi, yog‘ingarchilik kutilmaydi. Shamol sharqdan 7–12 metr/soniya tezlikda esadi, ba’zi joylarda 13–18 metr/soniyagacha kuchayishi mumkin. Harorat kechasi +1...+6 daraja, kunduzi +15...+20 daraja bo‘ladi.

Andijon, Namangan va Farg‘ona viloyatlarida havo biroz bulutli bo‘ladi, yog‘ingarchilik kutilmaydi. Shamol sharqdan 5–10 metr/soniya tezlikda esadi. Harorat kechasi 0...+5 daraja, kunduzi +12...+17 daraja bo‘ladi.

Respublikaning tog‘oldi va tog‘li hududlarida havo biroz bulutli bo‘ladi, yog‘ingarchilik kutilmaydi. Yo‘llarda yaxmalak kuzatiladi. Shamol sharqdan 7–12 metr/soniya tezlikda esadi, ba’zi joylarda 15–20 metr/soniyagacha kuchayishi mumkin. Harorat kechasi –2...–7 daraja, kunduzi +5...+10 daraja bo‘ladi.