Qoʻshimcha funksionallar
-
Tungi ko‘rinish
Yaponiyada o‘rmon yong‘inlari 2,6 ming gektar maydonni qamrab oldi
Alanga Ofunato shahri hududining 8 foizini kulga aylantirgan. Yong‘in xavf tug‘dirayotgan joylardan 1,2 mingdan ortiq odam evakuatsiya qilingan.

Foto: Japan Forward
Yaponiya shimoli-sharqidagi Ivate prefekturasida boshlangan o‘rmon yong‘inlari olti kundan beri davom etmoqda. Alanga hozirga qadar Ofunato shahri hududining 8 foizini kulga aylantirdi, deb yozadi NHK.
Rasmiylarning ta’kidlashicha, 3 mart kuni tongdan beri yana 500 gektar maydon yonib ketgan va 4 mart soat 06:00 holatiga ko‘ra, alanga qamrab olgan jami hudud 2,6 ming gektarga yetgan.
Hozirda yong‘inni o‘chirishga qariyb 2 ming o‘t o‘chiruvchi jalb etilgan, Mudofaa kuchlari vertolyotlari esa havodan suv sepmoqda.
Prefektura ma’muriyatining ma’lum qilishicha, yong‘in Sanrikutyo Ryori tumaniga ham tarqalgan. Ofunato ko‘rfazidan shimoli-sharqda joylashgan Akasakityo Nagasaki yaqinidagi o‘rmonlarda ham tutun borligi tasdiqlangan.
Shahar hukumati Sanrikutyo va Akasakityo hududlari aholisini evakuatsiya qilish bo‘yicha buyruq bergan. 4 mart kuni soat 07:00 holatiga ko‘ra, 12 ta obektdan 1215 kishi evakuatsiya qilingan.
Prognozlarga ko‘ra, 5 mart kuni yarim tundan erta tongga qadar qor yog‘ishi va u tushdan boshlab yomg‘irga aylanishi kutilmoqda.
Avvalroq 26 fevral kuni boshlangan yong‘in bir kishining o‘limiga sababchi bo‘lgani va 80 dan ortiq uyni kulga aylantirgani to‘g‘risida xabar berilgandi.
Mavzuga oid

09:20 / 25.07.2025
Tramp Yaponiya bilan yirik savdo bitimini e’lon qildi

12:04 / 23.07.2025
Yaponiya bosh vaziri Shigeru Ishiba iste’foga chiqdi - OAV

00:31 / 10.07.2025
Yaponiyalik olimlar ozishning kutilmagan usulini ishlab chiqadi

23:21 / 07.07.2025