Nukusdan Qozog‘istonga yangi poyezd qatnovi yo‘lga qo‘yiladi

28 fevraldan boshlab O‘zbekiston va Qozog‘iston o‘rtasida yangi yo‘lovchi poyezdi qatnovi boshlanadi, deb xabar berdi «O‘ztemiryo‘lyo‘lovchi» AJ.

Jumladan, Qoraqalpog‘iston Respublikasi markazi Nukus shahridan Qozog‘istonning Beyneu shahriga poyezd qatnovi yo‘lga qo‘yiladi. Poyezd haftasiga 2 marta, dushanba va juma kunlari qatnaydi.

Kompaniya ma’lumotlariga ko‘ra, poyezd Nukusdan soat 00:40 da jo‘nab, Beyneu bekatiga soat 11:40 da yetib boradi. Qarama-qarshi yo‘nalishda harakatlanayotgan poyezd soat 16:26 da Mang‘istau viloyatidan yo‘lga chiqib, 03:35 da Qoraqalpog‘istonga yetib boradi.