Finalda O‘zbekiston Indoneziya bilan bahs yuritib, raqib darvozasiga javobsiz 6 ta gol urdi. Jamoa sardori Abdujamil Shukurov het-trikka erishgan bo‘lsa, Aziz Abdurahmonov dubl qayd etdi. Yana bir gol Qudrat Xudoyqulov hisobiga yozildi. 

Shu tariqa O‘zbekiston qit’a chempionatidagi barcha o‘yinda yirik hisobda g‘alaba qozonib, g‘oliblikni qo‘lga kiritdi. Jamoa guruh bosqichida Indoneziya (8:1), Bangladesh (3:0), Nepal (13:0) va Iroqni (3:0) mag‘lubiyatga uchratgandi. 

3-o‘rin uchun kechgan bellashuvda Iroq mezbonlar ustidan 4:0 hisobida ustun kelib, bronza medaliga sazovor bo‘ldi.