Buyuk Britaniyada olti yoshli bola sayyorani qutqarish uchun 2,5 mingta plastik yig‘di
Yosh faol plastik qutilarni yig‘ish uchun bir yildan buyon barcha usullarni qo‘llamoqda. U to‘plamlarni qayta ishlash markaziga topshirmoqchi.

Foto: BBC
Buyuk Britaniyaning Hempshir grafligidagi Netli qishlog‘ida yashovchi olti yoshli Teddi 2,5 mingdan ortiq plastik idishlarni to‘pladi. Bu haqda BBC xabar bermoqda.
Teddi odatda konfet, shokolad yoki krekerlar qadog‘i sifatida sotiladigan plastik idishlar qayta ishlashga topshirilmasligini bilgach, bunday qutilarni yig‘ishga qaror qilgan. Buyuk Britaniyaning ba’zi hududlarida bunday imkoniyat bor, Hempshirda esa hozircha yo‘q.
“Biz bu qutilarni ikkilamchi xomashyo uchun oddiy konteynerga topshira olmaymiz, lekin men dunyoni qutqarish uchun vaziyatni o‘zgartirishga qaror qildim. Sayyoramiz yagona va biz unga g‘amxo‘rlik qilishimiz kerak”, — deb tushuntirdi bolakay.
Teddi qutilarni yig‘ishni 2024 yilda boshlagan, yil oxiriga kelib 358 ta qutini to‘plagan. Yaxshiroq natijaga erishish uchun u maktabiga xat yozib, ishlatilgan qutilarni unga berishlarini so‘radi. Maktab rahbariyatiga bu g‘oya ma’qul keldi va ular xabarni boshqa o‘quvchilarning ota-onalariga yubordi.
Teddi onasi bilan birga mahalliy korxonalar binolariga e’lonlar osib chiqdi, bobosi esa chiqindixonaga borib, tashlab yuborilgan barcha konteynerlarni saqlab qo‘yishni iltimos qildi. Ba’zida Teddining o‘zi odamlarning uylaridagi plastiklarni yig‘adi yoki ularni chiqindi qutilaridan terib chiqadi.
Yaqinda bola ijtimoiy tarmoqlardagi sahifalarida post yozib, o‘zini “eko jangchi” deb atadi va yuz minglab plastik idishlar chiqindixonaga yoki okeanga tashlanayotganini ta’kidladi. Shundan so‘ng bolaning ishlari yanada yurishib ketdi: bir oy ichida u 2598 ta bo‘sh qutini yig‘ishga erishdi.
“Teddi muammolarimizni tushunadi va bu ma’lumotni odamlarga yetkazishga hamda boshqalarni vaziyatni o‘zgartirishga undashga astoydil harakat qiladi”, — dedi uning onasi. Ayolning aytishicha, ularning ostonasida odamlar qoldirib ketayotgan idishlar soni tobora ko‘payib bormoqda.
Teddi yig‘ilgan shirinlik qutilarini plastikni qayta ishlash markaziga topshirmoqchi. Shundan so‘ng bolakay o‘zining ekologik faoliyatida tanaffus qilishni rejalashtirmoqda.
Tavsiya etamiz
Qatiq, murabbo va yadro quroli. Putin yangi filmda nimalar dedi?
Jahon | 21:59 / 06.05.2025
Avtomobil importiga ekosertifikat – utilizatsiyaga qo‘shimcha “bonus”mi?
O‘zbekiston | 20:34 / 06.05.2025
Isroil Suriyani bombaladi. Turkiya nega sukutda?
Jahon | 12:44 / 06.05.2025
May oyida vodiyda me’yorga yaqin harorat kutiladi, mamlakatning katta qismida oy xuddi iyun kabi o‘tadi
O‘zbekiston | 11:17 / 06.05.2025
So‘nggi yangiliklar
-
Germaniyaning yangi tashqi ishlar vaziri Boltiqbo‘yida xavfsizlikni mustahkamlash niyatida
Jahon | 14:43
-
Toshkentda Al-Xorazmiy nomidagi xalqaro matematika va informatika olimpiadasi o‘tkaziladi
O‘zbekiston | 14:41
-
Hindistonga qarshi operatsiya boshlagan Pokiston, ozod qilingan O‘zturk va AQShga bojlar bilan tahdid qilgan YeI – kun dayjesti
Jahon | 14:37
-
O‘zbekistonning oltin-valuta zaxiralari 49 mlrd dollardan oshdi
Iqtisodiyot | 13:59
Mavzuga oid

10:17
London va Skandinaviya Ukrainada o‘t ochishni to‘xtatishga chaqirdi

23:57 / 09.05.2025
Britaniyada uchuvchi o‘ng va chapni adashtirib yuborgani uchun samolyotda yong‘in chiqdi

11:51 / 09.05.2025
AQSh Britaniya bozoriga eksportni kengaytirish bo‘yicha kelishuvga erishdi

21:37 / 08.05.2025