«Tolibon» mamlakatdagi Radio Begum yagona ayollar radiostansiyasini yopib qo‘ydi, u boshlang‘ich ta’limdan mahrum qilingan qizlar uchun darslar olib borgan.

CNN ma’lumotlariga ko‘ra, «Tolibon» Axborot vazirligi telekanal «ko‘p marotaba eshittirish siyosatini buzish va radiostansiya litsenziyasidan noto‘g‘ri foydalanish, jumladan, xorijiy kontent va ko‘rsatuvlarni ruxsatsiz taqdim etish» tufayli to‘xtatilganini aytgan. Shuningdek, stansiyaning kelajagi «vaqti kelganida» aniqlanishi ma’lum qilingan.

Radio Begum xodimlarining aytishicha, «Tolibon» ularning Kobuldagi ofisiga bostirib kirib, kompyuterlar, disklar va telefonlarni tortib olgan va stansiyada ishlagan ikki kishini hibsga olgan.

Taqiqlanishdan oldin Radio Begum butun Afg‘oniston bo‘ylab ayollar uchun kuniga olti soatlik darslar, shuningdek, salomatlik, psixologiya va ma’naviyat dasturlarini efirga uzatgan. Radiostansiya afg‘on qizlariga ta’lim berish va ayollarni qo‘llab-quvvatlaganini, biroq, «hech qanday siyosiy faoliyatda ishtirok etmaganini» ma’lum qilgan.