NATOning sobiq bosh kotibi Yyens Stoltenberg Norvegiyadagi hukumat islohotlari doirasida mamlakatning moliya vaziri etib tayinlandi.

65 yoshli Stoltenberg 2001-2001 yillar hamda 2005-2013 yillar davomida Norvegiya bosh vaziri bo‘lgan. U Leyboristlar partiyasi vakili hisoblanadi.

Norvegiyaning ikki partiyali hukumati o‘tgan hafta, ozchilik Tsentristlar partiyasi Leyboristlar partiyasi bilan koalitsiyadan chiqqanidan keyin tarqatib yuborilgan edi. Iste’foga energetika siyosatidagi kelishmovchilik sabab bo‘lgan.

Yonas Gar Styore hukumati 2021 yil oktyabrdan beri hokimiyat tepasida. Norvegiyada parlament saylovlari sentabr oyida bo‘lib o‘tadi.

Niderlandiyaning sobiq bosh vaziri Mark Ryutte 2024 yil 1 oktyabrda NATO bosh kotibi lavozimiga kirishgan edi. Uning nomzodi 26 iyun kuni alyans tomonidan rasman ma’qullangan.

Tashkilotni 10 yil boshqarganidan so‘ng tark etayotgan Yyens Stoltenberg ittifoqchilarning qarorini olqishlagan va bu «NATOni ishonchli qo‘llarda qoldirishini» aytdi. X ijtimoiy tarmog‘ida bu tayinlovni sharhlar ekan, u 57 yoshli Ryutteni transatlantik hamkorlikning haqiqiy tarafdori, kuchli yetakchi deb atagan.

O‘z navbatida, Yevrokomissiya raisi Ursula fon der Lyayyen YeI va NATO hamkorligini yanada mustahkamlash uchun Mark Ryutte bilan yaqindan hamkorlik qilishini bildirga edi.