WP: Trampga qarshi ishlar bilan shug‘ullangan FTB agentlari ishdan bo‘shatilishi mumkin

AQSh administratsiyasi prezident Donald Trampga qarshi ishlar bilan shug‘ullangan Federal tergov byurosi (FTB) xodimlarini ishdan bo‘shatishni rejalashtirmoqda. Bu haqda The Washington Post o‘z manbalariga tayanib xabar berdi.

Ma’lumotlarga ko‘ra, bosh prokuror o‘rinbosari Emil Bove FTBning yuqori lavozimli kamida sakkiz nafar xodimini lavozimdan olishni va byuroning minglab xodimlari ishi ustidan keng ko‘lamli tekshiruvlar o‘tkazishni buyurgan. Ular orasida Kapitoliyda yuz bergan tartibsizliklarni tergov qilgan xodimlar ham bor.

WP’ning yozishicha, Kapitoliy tartibsizliklarida faol ishtirok etgan FTBning Vashington byurosi direktori yordamchisi Devid Sandberg ham lavozimidan ayriladi. Ta’kidlanishicha, FTB xodimlari bir necha kun ichida iste’foga chiqmasa, ishdan olinadi.

Nashr suhbatdoshlarining so‘zlariga ko‘ra, Adliya vazirligi, shuningdek, maxsus prokuror Jyek Smit tergovida ishtirok etgan FTBning boshqa o‘nlab agentlarini ham ishdan bo‘shatish imkoniyatini ko‘rib chiqmoqda. U Trampga qarshi ikkita ishni olib borgan — 2020 yilgi saylovlarga aralashishga urinish va maxfiy hujjatlarni noqonuniy saqlash.

Smitning o‘zi yanvar o‘rtalarida iste’foga chiqqandi. AQSh Adliya vazirligida tozalash ishlari 27 yanvardan, Donald Tramp lavozimga kirishganidan bir hafta o‘tib boshlangan.