Ayrim xorijiy mutaxassislarni jalb qilganlik uchun to‘lov undirilmaydi

Qo‘shimchalar O‘zbekiston hududida mehnat faoliyatini amalga oshirish huquqini beruvchi tasdiqnoma pasportiga kiritildi. Tasdiqnomani olish uchun arizaga:

O‘zbekiston prezidentining 2024 yil 7 avgustdagi PQ-286-son qarori bilan tasdiqlangan Sanoat yo‘nalishlari bo‘yicha jalb qilinadigan xorijiy mutaxassislarning ro‘yxatida ko‘rsatilgan sanoat yo‘nalishlari bo‘yicha xorijiy mutaxassislar sifatida jalb qilingan chet el fuqarolari uchun — mutaxassisni jalb qilinganligini tasdiqlovchi hujjatni;
nufuzli xalqaro brendlardan jalb qilingan texnolog, dizayner, marketolog kabi mutaxassislar uchun — nufuzli xalqaro brend tashkilotida faoliyat yuritayotganligini tasdiqlovchi hujjatni ilova qilish kerak. Tasdiqnoma berilgani uchun to‘lov undirilmaydi.

Brend sheriklari va milliy brend egalari tomonidan mutaxassislar sifatida jalb qilingan xorijiy fuqarolar uchun O‘zbekiston hududida mehnat faoliyatini amalga oshirish huquqini tasdiqlovchi hujjatning amal qilish muddati shartnoma muddatiga, biroq uch yildan ko‘p bo‘lmagan muddatga belgilanadi.

Shuningdek, Tadbirkorlik sub’yektlarini davlat ro‘yxatidan o‘tkazish tartibi to‘g‘risidagi nizomga kiritilayotgan qo‘shimchaga ko‘ra, maxsus iqtisodiy zona hududida investitsiya loyihasini amalga oshirish uchun yuridik shaxs elektron onlayn-auksion savdolari natijalariga ko‘ra g‘olib deb topilgan taqdirda qayta davlat ro‘yxatidan o‘tkaziladi.