Samarqand shahrida voyaga yetmagan bola mashina boshqarib inson umriga zomin bo‘ldi. Bu haqda viloyat IIB axborot xizmati xabar bermoqda.

Ma’lum qilinishicha, Samarqand shahridagi 5-maktabning 10-sinf o‘quvchisi uyda turgan mashinani o‘zboshimchalik bilan minib chiqib piyodani urib yuborgan.

Hodisa shaharning Sadriddin Ayniy ko‘chasida sodir bo‘lgan. Oqibatda piyoda og‘ir tan jarohatlari olib, vafot etgan.