O‘zbekiston Eronning Chobahor porti hududidan terminallar sotib olishi mumkin

O‘zbekiston elchisi Fariddin Nasriyev Eronning yo‘l va shaharsozlik vaziri o‘rinbosari - Portlar va dengizchilik tashkiloti rahbari Ali Akbar Safoi bilan uchrashdi.

Foto: "Dunyo" AA

Muloqot davomida transport va logistika sohasida o‘zaro hamkorlik istiqbollari, Eronning dengiz portlari, shu jumladan, Chobahor portidan foydalanish borasida muzokaralarni jadallashtirish masalasi muhokama etildi.

Ali Akbar Safoi Eron rahbariyatining Markaziy Osiyo davlatlari bilan savdo-iqtisodiy hamkorlikni rivojlantirish qat’iyatiga ishora qilib, Eron mazkur mintaqa mamlakatlari bilan tranzit va transportni mustahkamlashga katta ahamiyat berishini ta’kidladi.

Portlar va dengizchilik tashkiloti rahbari O‘zbekiston tomoniga Erondagi muhim transport-logistika "hab"laridan biri hisoblangan Chobahor porti imkoniyatlaridan keng foydalanish, uning hududidan omborxona va turli terminallar qurish yoki sotib olish mumkinligini e’tirof etdi.

#terminal #Chobahor