O‘zbekiston noyabrda oltinning dunyodagi ikkinchi yirik xaridoriga aylandi

O‘zbekiston Markaziy banki iyul oyidan buyon ilk bor oltin zaxirasini oshirdi, deb xabar berdi Spot Jahon oltin kengashiga (World Gold Council) tayanib.

Noyabr oyida jahon markaziy banklari tomonidan sof oltin xaridlari, ochiq ma’lumotlarga ko‘ra, 53 tonnani tashkil etgan. WGC bu 2024 yil davomida kuzatilgan tendensiyaning davomi bo‘lganini, regulyatorlar qimmatbaho metallarning faol xaridorlari sifatida harakat qilganini ta’kidladi. Shuningdek, AQShda prezidentlik saylovlari fonida narxlarning pasayishi oltin jamg‘arilishiga qo‘shimcha turtki bo‘lishi mumkin.

Xususan, Polsha Milliy banki oltin zaxirasini 21 tonnaga oshirib, uning hajmini 448 tonnaga yetkazdi. Varshava 90 tonnalik ko‘rsatkich bilan qimmatbaho metallarning eng yirik xaridori bo‘ldi.

O‘zbekiston Markaziy banki noyabr oyida 9 tonna oltin sotib oldi, bu yozdan beri birinchi marta oltin zaxiralarini ko‘paytirish bo‘ldi. Yillik sof xaridlar 11 tonnani tashkil etib, oltin zaxirasi 382 tonnaga yetdi.

Hindiston zaxira banki 8 tonna (yillik hisobda 73 tonna) bilan uchinchi o‘rinni egalladi. Keyingi o‘rinlarda har biri 5 tonnadan oltin bilan Qozog‘iston va Xitoy, Iordaniya — 4 tonna, Turkiya — 3 tonna, Chexiya — 2 tonna, Gana — 1 tonna bilan joylashdi. Qimmatbaho metallning eng yirik sotuvchisi Singapur bo‘ldi — 5 tonna.